Төбәктең алдынғы уҡыу йорттары ректорҙары муниципалитеттар, эш биреүселәр менән студенттарҙың һөнәри йүнәлеше тураһында килешеү төҙөйәсәк

ӨФӨ, 2017 йыл, 18 ғинуар./«Башинформ» мәғлүмәт агентлығы, Әлим Фәйезов/. Башҡортостандың Юғары уҡыу йорттары ректорҙары советы ағзалары 19 ғинуарҙа Туймазы ҡалаһында һөнәри йүнәлеш тематикаһы буйынса күсмә ултырыш уҙғара. Сарала, республиканың алдынғы уҡыу йорттары ректорҙарынан тыш, Башҡортостан дәүләт власы органдары вәкилдәре, муниципалитет етәкселәре, предприятие вәкилдәре, дөйөм белем биреү учреждениеларының сығарылыш уҡыусылары, ата-әсәләр йәмәғәтселеге ҡатнашасаҡ.

Бер нисә мәғариф платформаһын уҙғарыу күҙаллана, унда ҡатнашыусыларҙы оҫталыҡ дәрестәре, тренингтар, лабораторийҙар, түңәрәк өҫтәл, ата-әсәләр йыйылышы һәм төбәк юғары уҡыу йорттарының күргәҙмәһе көтә.

Юғары уҡыу йорттары, муниципаль райондар һәм эш биреүселәр араһында уҡыусыларға һөнәри йүнәлеш биреү мәсьәләләрендә хеҙмәттәшлек итеү тураһындағы өс яҡлы килешеүгә ҡул ҡуйыу форумда иң мөһим ваҡиғаларҙың береһе буласаҡ.

Сара студенттарҙың флешмобы менән тамамланасаҡ. Улар республиканың һөнәри белем биреү учреждениеларын һайлауға өндәйәсәк.