Күмертау халҡы «Елки» исемле киносаганың киләһе өлөшөнә эләгергә теләй

ӨФӨ, 2017 йыл, 17 ғинуар./«Башинформ» мәғлүмәт агентлығы, Әлим Фәйезов/. Күмертау халҡы «Елки» исемле киносаганың киләһе өлөшөнә эләгергә теләй. Бының өсөн улар иҫкесә Яңы йыл төнөнә ҡарай уҙғарылған үҙенсәлекле флешмобта ҡатнашты. Байрамда ҡатнашыусылар ҙур «К» хәрефенә теҙелеп, фонариктар ҡабыҙҙы. Әлеге сара һауанан төшөрөлгән һәм артабан «Елки» авторҙарына ебәреләсәк.

Флешмобтан тыш, был көндә төп ҡала шыршыһын ябыу сараһы үтте. Байрам ҡунаҡтарын «Елки» исемле популяр кинотаҫма геройҙары – саңғысы һәм сноубордсы сәләмләне, улар яңы заманса саңғы-роллер трассаһы һәм яңыраҡ Күмертауға Тиҙ үҫешеүсе биләмә статусы бирелеүе хаҡында һөйләне. Тамаша дауамында геройҙар үҙ ҡалаһы өсөн именлек һәм яңы социаль объекттар һорап яҙған малайҙың юғалған хатын тапшырыу өсөн Ҡыш бабайҙы эҙләне, тип хәбәр иттеләр муниципалитет хакимиәтендә.