Уҡыусылар БДИ-ны уҙғарыу хаҡында тулыраҡ телетапшырыуҙарҙан белә ала

ӨФӨ, 2017 йыл, 13 ғинуар./«Башинформ» мәғлүмәт агентлығы, Эльмира Сабирова/. Башҡортостан уҡыусылары Берҙәм дәүләт имтихандарын уҙғарыу тураһында тулыраҡ телетапшырыуҙарҙан белә ала. «О ЕГЭ предметно» тапшырыуы – Мәғариф һәм фән өлкәһендә күҙәтеү буйынса федераль хеҙмәт менән Рәсәй йәмәғәт телевидениеһының уртаҡ проекты.

2017 йылдың ғинуар-апрелендә эфирға сығасаҡ 13 сығарылыш циклы сиктәрендә, Мәғариф һәм фән өлкәһендә күҙәтеү буйынса федераль хеҙмәте һәм Педагогик үлсәүҙәрҙең федераль институты белгестәре 2017 йылда Берҙәм дәүләт имтиханының ойошторолоуы, яңы технологиялар, имтихан эштәрендәге үҙгәрештәр хаҡында һөйләйәсәк, төрлө фәндәр буйынса имтиханды тапшырыу өсөн нисек яҡшыраҡ әҙерләнергә кәңәштәр бирәсәк, шулай уҡ тамашасыларҙың һорауҙарына яуап ҡайтарасаҡ. Тапшырыуҙар һәр кесе йома тура эфирҙа сығасаҡ.

Эфирға сыҡҡан тапшырыуҙарҙың яҙмаһы Мәғариф һәм фән өлкәһендә күҙәтеү буйынса федераль хеҙмәтенең YouTube каналында урынлаштырыласаҡ, улар менән уҡыусылар уңайлы ваҡытта таныша аласаҡ, тип аңлаттылар ведомствоның матбуғат хеҙмәтендә.