Башҡортостан һәм Өфө яңылыҡтары
89.82
+0.12
99.72
+0.52
71.06
-1.63
10+ °C
Болотло
Баш
Рус
Eng
Бөтә яңылыҡтар
Йәмғиәт
13 Ғинуар 2017, 11:04
Башҡортостандың 100 йыллығы уңайынан ҙур спартакиада ойошторола
Бөтә донъя башҡорттары ҡоролтайының Башҡарма комитеты матбуғат хеҙмәте
ӨФӨ, 2017 йыл, 13 ғинуар./«Башинформ» мәғлүмәт агентлығы, Арина Рәхимҡолова/. 2017 йылда Башҡортостанда Бөтә донъя башҡорттары ҡоролтайы бүләгенә спартакиада уҙғарыла. Ошо хаҡта Бөтә донъя башҡорттары ҡоролтайының Башҡарма комитеты рәйесе урынбаҫары Велмир Аҙнаев йәштәр сәйәсәте һәм спорт буйынса комиссия ултырышында һөйләне.
Осрашыуҙа башҡорт ойошмалары етәкселәре, әүҙем студенттар, башҡорт йәштәре лидерҙары ҡатнашты. Улар үткән йылға йомғаҡ яһаны, 2017 йылға бурыстар билдәләне.
Велмир Аҙнаевтың әйтеүе буйынса, спартакиада йыл дауамында уҙғарыла. Ярыштар Башҡортостандың ҡала һәм ауылдарынан бөтә өлкән йәштәге халыҡты йыйырға тейеш.
«Йыл буйына тотош саралар комплексы ойоштороласаҡ. Уға саңғы ярыштары, волейбол һәм футбол кеүек классик уйындар ҙа, боронғо башҡорт спорт төрҙәре: уҡ атыу менән көрәш тә инәсәк. Иң мөһиме – күмәк кешенең ҡатнашыуы», – тине Велмир Аҙнаев.
Башҡорт ҡоролтайы Башҡарма комитетының матбуғат хеҙмәтенән хәбәр итеүҙәренсә, 2017 йылда бер төркөм йәштәр форумын уҙғарыу, республика вәкилдәренең Бөтә Рәсәй съездарында ҡатнашыуы күҙаллана. Легендар спортсы Харис Йосоповтың иҫтәлегенә арналған милли көрәш буйынса бәйге үткәреүгә әҙерлек бара.
Автор:
Арина Рәхимҡолова
Теги:
спартакиада
милли сәйәсәт
Читайте нас: