Башҡортостандың КВН командалары «КиВиН-2017» фестивалендә сығыш яһай

ӨФӨ, 2017 йыл, 12 ғинуар./«Башинформ» мәғлүмәт агентлығы, Эльмира Сабирова/. Башҡортостандан 11 КВН командаһы «КиВиН-2017» 28-се халыҡ-ара фестивалендә сығыш яһаясаҡ.

Ғәҙәттәге күмәк шаярыу һәм тапҡырлыҡ байрамы быйыл 500-ҙән ашыу команданы йыйған. Ҡатнашыусылар иҫәбендә – Рәсәй, Әрмәнстан, Белоруссия һәм башҡа яҡындағы сит ил КВН командалары.

Республиканан, былтыр КВН-дың Юғары лигаһы миҙгеленә үтә алған, «Өфө. Башҡортостан Республикаһы» командаһы сығыш яһаясаҡ. Шулай уҡ Сочи сәхнәһенә «Три метра» (Благовещен), «Лица Республики», «Прошу заметить» (Ишембай), «Сборная небольших городов» (Өфө дәүләт нефть техник университетының Октябрьский филиалы), «Стрела» (Өфө дәүләт нефть техник университеты), «Мультифрукт» (Өфө), «Gadget» (БашДУ), «7 тонн» (Октябрьский), «Сборная Башкирской лиги», «Женская сборная УЮИ МВД» командалары сығасаҡ, тип хәбәр иттеләр БР КВН матбуғат хеҙмәтенән.

Һайлап алыу турҙары ике аҙна дауамында уҙасаҡ. Уларҙың йомғаҡтары буйынса иң яҡшыларҙы – Халыҡ-ара КВН союзы лигаһы ҡатнашыусыларын асыҡлаясаҡтар.