Башҡортостан һәм Өфө яңылыҡтары
69.59
+0.26
75.78
+0.37
83.79
-0.71
-7 °C
Болотло
Бөтә яңылыҡтар
Йәмғиәт
7 Ғинуар 2017, 09:17

Рөстәм Хәмитов православие христиандарын Христос Раштыуаһы менән ҡотланы

Башҡортостан Башлығының матбуғат хеҙмәте
Башҡортостан Башлығының матбуғат хеҙмәте
ӨФӨ, 7 ғинуар, 2017 йыл./«Башинформ» мәғлүмәт агентлығы, Александр Смирнов/. Башҡортостан Башлығы Рөстәм Хәмитов православие христиандарын Христос Раштыуаһы менән ҡотланы. Ҡотлауҙа былай тиелә:
«Башҡортостандың ҡәҙерле православие христиандары!
Һеҙҙе ысын күңелдән Христос Раштыуаһы менән ҡотлайым!
Күп быуаттар дауамында был иң яратҡан христиан байрамдарының береһе донъялағы миллионлаған кешене берләштерә, йөрәктәрҙе мөхәббәт яҡтыһы менән яҡтырта, таҙа уйҙарға һәм изге эштәргә дәртләндерә, дини башланғыстарға ышаныс тыуҙыра. Православие Раштыуаһы ғаилә ҡиммәттәрен нығыта, беҙҙе изге күңеллерәк һәм мәрхәмәтлерәк итә, бер-береңә ярҙам итергә өйрәтә.
Йәмғиәтебеҙҙең әхлаҡи нигеҙҙәрен, быуындар бәйләнешен нығытыуҙа, дини татыулыҡты арттырыуҙа Урыҫ Православие Сиркәүенең әһәмиәте йылдан-йыл арта. Был мосолман дине һәм башҡа конфессияларҙың күп яҡлы һөҙөмтәле эшмәкәрлеге бай дини-мәҙәни сараларҙы үҫтереүгә, йәштәрҙе тәрбиәләүгә, мохтаждарға социаль ярҙам күрһәтеүгә булышлыҡ итә.
Ошо изге Раштыуа көндәре беҙгә яҡындарыбыҙ менән аралашыу шатлығы, йылылыҡ һәм яҡшы кәйеф бүләк итһен.
Һеҙгә һәм һеҙҙең яғындарығыҙға ысын күңелдән ныҡлыҡ һаулыҡ, именлек, тыныслыҡ, изгелек һәм бөтә теләктәрегеҙҙең тормошҡа ашыуын теләйем!».
Автор:Александр Смирнов
Читайте нас в