Башҡортостан һәм Өфө яңылыҡтары
89.82
+0.12
99.72
+0.52
71.06
-1.63
10+ °C
Болотло
Баш
Рус
Eng
Бөтә яңылыҡтар
Йәмғиәт
5 Ғинуар 2017, 13:16
Өфөләрҙе Бөйөк Ватан һуғышы йылдарындағы Яңы йылды күрергә саҡыралар
автор
ӨФӨ, 2017 йыл, 5 ғинуар. /«Башинформ» мәғлүмәт агентлығы, Арина Рәхимҡолова/. Өфөлә Хәрби Дан музейында «Ваҡыт арауығында сәйәхәттә, йәки Бөйөк Ватан һуғышы осорондағы Яңы йыл» интерактив уйын-экскурсияға саҡыралар.
Сәйәхәт барышында тамашасылар рәсәйҙәрҙең иң яратып алған байрамын билдәләү йолаһы һуғыш йылдарында ла онотолоп ҡалмауын беләсәк. Күргәҙмәлә элекке шыршы уйынсыҡтары менән биҙәлгән ысын шыршы үҙәк урынды биләп тора. Шулай уҡ XX быуаттың 30-40-сы йылдарҙағы предметтар, ҡотлау открыткалары, плакаттар күрһәтелгән.
Сәйәхәттең төп ҡунағы Ҡыш бабай буласаҡ, ул балалар менән ҡыҙыҡлы уйындар уйнаясаҡ. Музейға килеүселәр мамыҡтан ҡар бабай, пластилиндан һәм тәбиғи материалдарҙан төрлө һындар эшләү буйынса оҫталыҡ-кластарында ҡатнаша аласаҡ. Шулай уҡ ҡышҡы фотосессия ҡаралған.
Йәш сәйәхәтселәр илебеҙҙә Бөйөк Ватан һуғышы йылдарында нисек Яңы йыл ҡаршылауҙарын беләсәк, ә уларҙың өләсәләре, олаталары һәм ата-әсәләре үҙҙәренең бала сағын хәтергә төшөрә аласаҡ.
Сара дүшәмбенән алып йомаға тиклем иртәнге 10-дан киске дүрткә тиклем заявкалар буйынса уҙа. Өҫтәмә мәғлүмәт (347) 260-44-64 телефон һандары буйынса.
Автор:
Арина Рәхимҡолова
Теги:
музейҙар
яңы йыл
Читайте нас: