93.59
+0.15
Башҡортостан һәм Өфө яңылыҡтары
99.79
+0.07
89.77
-0.34
14+ °C
Болотло
Бөтә яңылыҡтар
Йәмғиәт
1 Ғинуар 2017, 09:47
Рөстәм Хәмитов Башҡортостан халҡын Яңы 2017 йыл менән ҡотланы
БР Башлығының матбуғат хеҙмәте
Өфө, 2017 йыл, 1 ғинуар. /«Башинформ» мәғлүмәт агентлығы, Александр Смирнов/. Башҡортостан Башлығы Рөстәм Хәмитов республика халҡын Яңы 2017 йыл менән ҡотланы. Ҡотлауҙа былай тиелә:
«Ҡәҙерле дуҫтар! Ысын күңелдән һеҙҙе Яңы 2017 йыл менән ҡотлайым!
Һәр беребеҙ өсөн яңы йыл байрамы тәү сиратта, яҡын кешеләр менән аралашыу бәхете, уларға иң яҡшы хис-тойғоларыбыҙҙы белдәрә алыу мөмкинлеге менән ҡиммәт.
Беҙ һеҙҙең менән уҙған йылда күп нәмәгә өлгәштек. Республикала тормош тағы ла яҡшыраҡ, сағыуыраҡ, ҡыҙыҡлыраҡ булһын өсөн тырыштыҡ. Башҡортостан эшлекле әүҙемлек, мәҙәниәт фән һәм спорт үҙәге булараҡ тотҡан урынын нығытты.
Әлбиттә, ҡатмарлыҡтар ҙа булды. Әммә хеҙмәт һәм ныҡышмалылыҡ арҡаһында беҙ алға табан мөһим аҙымдар яһаныҡ, артабанғы үҫеш өсөн яҡшы нигеҙ һалдыҡ. Республика алдында киң офоҡтар асыла, барлыҡ донъя буйлап яңы дуҫтарыбыҙ барлыҡҡа килә. Алдағы йылдың ҙур эштәр осоро булырына, тыуған төйәгебеҙ мәнфәғәте өсөн дөйөм эштәр тирәләй беҙҙе тағы ла нығыраҡ тупларына ышанам.
Ҡәҙерле ватандаштар!
Беҙ һеҙҙең менән һоҡланғыс илдә, иҫ китмәле республикала йәшәйбеҙ. Халыҡтар араһындағы дуҫлыҡтың ҡәҙерен беләбеҙ, дөйөм тарихыбыҙҙы, күп төрлө мәҙәниәттәр һәм йолаларыбыҙҙы хөрмәт итәбеҙ. Был беҙҙең баһалап бөткөһөҙ байлығыбыҙ, беҙҙең көсөбөҙ һәм буласаҡ ҡаҙаныштарыбыҙ нигеҙе. Намыҫлы хеҙмәтегеҙ, түҙемлелегеҙ һәм киләсәккә ышаныс менән ҡарауығыҙ өсөн ҙур рәхмәт һеҙгә, хөрмәтле дуҫтар!
Яңы йыл именлектәр һәм эштәребеҙҙә уңыштар ғына алып килһен. Һәр ғаилә тормошонда шатлыҡтыр, тотороҡлоҡ һәм муллыҡ күберәк булһын.
Сәләмәтлек, бәхет, уңыштар һеҙгә, ҡәҙерле дуҫтар!
Байрам менән! Яңы йыл менән, ҡәҙерле туғандар!».
Читайте нас:
Электрон почта
Адресы
450077, Уфа, Кирова, 45
Реклама хеҙмәте
(347) 250-11-11
Редакция
(347) 250-07-28
Ҡабул итеү бүлмәһе
(347) 250-05-07
Хеҙмәттәшлек
(347) 250-06-14
Кадрҙар бүлеге
© 1992-2024 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.
Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.
18+ запрещено для детей.
При перепечатке или цитировании ссылка на ИА «Башинформ» обязательна. Для интернет-изданий и социальных сетей прямая активная гиперссылка обязательна. Использование логотипа ИА «Башинформ» в целях, не связанных с ссылкой на агентство при перепечатке или цитировании, допускается только с письменного разрешения АО ИА «Башинформ».