Рәсәйҙә балаларҙың автомобиль креслоларын ҡулланыу ҡағиҙәләре ҡатылана

Өфө, 2016 йыл, 30 декабрь. /«Башинформ» мәғлүмәт агентлығы, Ольга Мортазина/. 2017 йылда балаларҙың автомобиль креслоларын ҡулланыу ҡағиҙәләре ҡатылана. 7 йәшкә тиклем балалар тик автомобиль креслоларында йөрөй, 7 йәштән 11-гә тиклем – хәүефһеҙлек ҡайыштарын эләктереп артҡы сиденьела, әгәр ҙә улар автомобиль конструкцияһы менән ҡаралһа. Алғы яҡта – 12 йәшкә тиклем автомобиль креслоһында. Ҡағиҙә боҙған өсөн штраф – 3 мең һум. Бынан тыш, 7 йәше тулмаған баланы салонда ҡарауһыҙ ҡалдырған осраҡҡа 500 һум штраф ҡарала.

1 ғинуарҙан алып шулай уҡ 10 йылдан иҫкерәк һәм тахограф, ГЛОНАСС трекеры менән йыһазландырылмаған төҙөк автобустарҙа балалар төркөмөн йөрөтөү тыйыла. Диагностика картаһында йәки техник тикшереү картаһында автобустың төҙөк техник торошон раҫлаусы мәғлүмәт теркәлергә тейеш.