Башҡортостан һәм Өфө яңылыҡтары
93.44
0
99.58
0
87.29
+0.18
26+ °C
Болотло
Бөтә яңылыҡтар
Йәмғиәт
30 Декабрь 2016, 10:07

Өфөлә ҡаланың иң яҡшы кешеләрен бүләкләнеләр

Өфө ҡала Советының матбуғат хеҙмәте
Өфө ҡала Советының матбуғат хеҙмәте
Өфө, 2016 йыл, 30 декабрь. /«Башинформ» мәғлүмәт агентлығы, Әлим Фәйезов/. Өфө ҡала Советында ҡала үҫешенә тос өлөш индергән кешеләрҙе бүләкләп үттеләр. Лайыҡлы наградаларҙы ҡала Советы рәйесе Валерий Трофимовтың ҡулынан 40-лап кеше алды. Уларҙың туғыҙы Өфөнөң юғары наградаһына – Башҡортостан Республикаһы Өфө ҡалаһы ҡала округының Почет грамотаһына һәм күкрәккә тағылмалы «Ҡала алдындағы хеҙмәттәре өсөн» билдәһенә лайыҡ булды. Ҡалғандары БР Өфө ҡалаһы ҡала округы Советының Почет грамоталарын алды.
Бүләкләнеүселәр араһында уҡытыусылар, табиптар, артистар, балалар баҡсалары һәм өҫтәмә белем биреү педагогтары, ғалимдар, мәҙәниәт, полиция, производство хеҙмәткәрҙәре һәм эре предприятие етәкселәре.
Наградалар тапшырыу ғәҙәттәгесә иҫтәлеккә фотоға төшөү менән тамамланды. Валерий Трофимов йыйылғандарҙың барыһын да, уларҙың ғаиләләрен алдағы яңы йыл байрамдары менән ҡотланы һәм Өфө төрлө-төрлө тармаҡтарҙа эшләүсе лайыҡлы, талантлы кешеләргә бай булыуын билдәләне.
Быға оҡшаш тантаналарҙы Өфө ҡала Советы йылына бер нисә тапҡыр уҙғара, ғәҙәттә эре дәүләт байрамдары алдынан. Ысын наградалар һаны Ҡала Советына бүләкләү тантанаһына саҡырылған кешелер иҫәбенән айырыла. Почет грамоталарының бер өлөшө өфөләргә эш урындарында тапшырыла, тип хәбәр иттеләр Өфө ҡала Советының матбуғат хеҙмәтендә.
Автор:Әлим Фәйезов
Читайте нас: