ӨФӨ, 2016 йыл, 16 декабрь. /«Башинформ» мәғлүмәт агентлығы, Гөлфиә Акулова/. Баш ҡалала «Изге шыршы-2017» инклюзив фестивалендә бөтә республиканан ике меңдән ашыу бала
ҡатнаша. Хәйриә сараһын ойоштороусылар һәм партнерҙар «Башинформ» агентлығында үткән матбуғат конференцияһында ошо турала һөйләне. «Быйыл байрам өсөнсө тапҡыр уҙғарыла, унда ҡатнашырға теләүселәрҙең һаны йылдан-йыл арта. Сараның төп маҡсаты — мөмкинлектәре сикле балаларҙы һәм уларҙың һау-сәләмәт тиҫтерҙәрен бер майҙанға йыйыу, уларға байрам бүләк итеү, бер-береһе менән аралашыу мөмкинлеге булдырыу», — тине ойоштороусы, «Беҙҙең киләсәк» хәйриә фонды директоры Гөлнара Хәмиева.