Башҡортостанда Ғәҙәттән тыш хәлдәр министрлығы юлдарҙа күреү мөмкинлегенең кәмеүе һәм көслө ел тураһында иҫкәртә

ӨФӨ, 2016 йыл, 9 декабрь. /«Башинформ» мәғлүмәт агентлығы, Ксения Калинина/. Башҡортостанда Ғәҙәттән тыш хәлдәр министрлығы юлдарҙа күреү мөмкинлегенең кәмеүе һәм көслө ел тураһында иҫкәртә. Ведомствоның республика гидрометеорология һәм тирә-яҡ мөхит мониторингы идаралығы мәғлүмәттәренә һылтанып хәбәр итеүенсә, 10 декабрҙә юлдарҙа 500-1000 метрҙан күреү мөмкинлегенең кәмеүе, айырым участкаларға көрт һалыуы, урыны менән буран сығыуы ихтимал. Ел көньяҡ-көнсығыштан секундына 17 метр тиҙлектә иҫә.

Рәсәй Ғәҙәттән тыш хәлдәр министрлығының республика буйынса баш идаралығы водителдәргә төҙөк булмаған транспортта юлға сыҡмаҫҡа, иғтибарлы булырға, хәүефһеҙ тиҙлек режимын үтәргә кәңәш итә. Тәжрибәһеҙ автоһәүәҫкәрҙәргә руль артына ултырмаҫҡа, йәйәүлеләргә юл аша сыҡҡанда һаҡ булырға кәрәк.