Светлана Медведева һәм Рөстәм Хәмитов «Аҡ рауза» диагностикалау үҙәгенең эше менән танышты

Башҡортостан Башлығының матбуғат хеҙмәте

IMPORT Сервисный

ӨФӨ, 2016 йыл, 15 ноябрь. /«Башинформ» мәғлүмәт агентлығы, Эльмира Сабирова/. 14 ноябрҙә Социаль-мәҙәни башланғыстар фонды президенты Светлана Медведева һәм Башҡортостан Башлығы Рөстәм Хәмитов тормош иптәше Гөлшат Хәмитова менән бергә «Аҡ рауза» ҡатын-ҡыҙ сәләмәтлеген тикшереү үҙәгенең эшмәкәрлеге менән танышты.

Үҙәк Светлана Медведеваның тәҡдиме менән быйыл ғинуар айында 3-сө бала табыу йортоноң ҡатын-ҡыҙҙар консультацияһы бүлеге нигеҙендә асылды. «Аҡ рауза» ҡатын-ҡыҙҙарға уңайлы шарттарҙа бушлай тикшереү үтеү мөмкинлеген бирә.

Светлана Медведева һәм Рөстәм Хәмитов заманса ҡорамалдар менән йыһазландырылған кабинеттарҙы ҡараны һәм пациенттарҙы ҡабул итеү шарттарын баһаланы.

– Көн һайын үҙәктә 25-30 ҡатын-ҡыҙ бушлай тикшереү үтә. Уларҙы өс акушер-гинеколог, өс маммолог, ике ультратауыш ярҙамында тикшереү табибы, шулай уҡ рентгенолог, психолог һәм урта медицина персоналы ҡабул итә. Коллективта бөтәһе 17 кеше эшләй, – тине клиниканың баш табибы Зөһрә Гурова. – Ошо медицина учреждениеһының эше уның кәрәкле булыуын һәм юғары һөҙөмтәлелек күрһәтте. Асылғандан алып бында 9 меңгә яҡын ҡатын-ҡыҙ тикшерелгән. Белгестәр медицина күҙәтеүе талап иткән ауырыуҙарҙың 16 процентын, шулай уҡ яман шеш менән сирләүҙең 23 осрағын асыҡлаған, шул иҫәптән 14 ҡатын-ҡыҙға һөт биҙе яман шеше диагнозы ҡуйылған. Ике сәғәт ярым эсендә белгестәр ҡатын-ҡыҙҙың репродуктив системаһын тикшерә һәм диагноз ҡуя.

Пациенттарҙың күбеһе 40 йәште үткән, улар килеүселәрҙең дөйөм һанынан 64,4 процент тәшкил итә. Илдә асылған «Аҡ рауза» медицина үҙәктәре тәү сиратта тап ошондай төркөмгә иҫәпләнгән.

Светлана Медведева Мәскәүҙең «Аҡ рауза» хәйриә фонды исеменән тейешле медицина ҡорамалдары һатып алыу өсөн аҡсалата сертификат, шулай уҡ үҙенең үҙәктең символы – аҡ рауза төшөрөлгән фотоһүрәтен тапшырҙы.

«Аҡ рауза» проекты Социаль-мәҙәни башланғыстар фонды президенты Светлана Медведеваның тәҡдиме менән әҙерләнгән. Ул йәмғиәттең, тәү сиратта ҡатын-ҡыҙҙарҙың иғтибарын үҙ сәләмәтлегенә йәлеп итеүгә йүнәлтелгән.

1 из 4

#һаулыҡ һаҡлау #хәйриә #бр башлығы

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.