Ял көндәрендә ҡаланың бер травматология пунктына ғына 240-тан ашыу кеше мөрәжәғәт иткән

«Башинформ» мәғлүмәт агентлығы

IMPORT Сервисный

ӨФӨ, 2016 йыл, 14 ноябрь. /«Башинформ» мәғлүмәт агентлығы, Эльмира Сабирова/. Йома көндө Өфөлә яуған «боҙло ямғыр» байтаҡ бәлә-ҡаза алып килде. Юлдар һырғалаҡҡа әйләнде, был иһә аварияларға һәм имгәнеүҙәргә килтерҙе.

Уҙған ял көндәрендә баш ҡалалағы 5-се травматология пунктына 245-кә яҡын кеше мөрәжәғәт иткән.

Шәмбе, 12 ноябрҙә, медицина учреждениеһында 150-нән ашыу кешене ҡабул иткәндәр. Әммә, белгестәр әйтеүенсә, был рекорд түгел, ә бындай һауа торошо өсөн ғәҙәти күренеш.

«Беҙ тәүлек әйләнәһенә эшләйбеҙ, — тип хәбәр итте 5-се травматология пункты мөдире Анатолий Мазетов. — Көн һайын беҙгә 95-100 кеше килә, шәмбе — 150, йәкшәмбе, 13 ноябрҙә, 95 пациент мөрәжәғәт итте. Был сик түгел — бер нисә йыл элек тәүлегенә 180-дән ашыу кешене ҡабул иткәйнек. Төп сәбәп — ҡул һындырыу осраҡтары. Кеше, тайып китеп, ҡулдарына ҡолай һәм, ҡағиҙә булараҡ, беләк һөйәген һындыра».

Анатолий Мазетов травматология пункттарына төрлө йәштәге кешеләрҙең мөрәжәғәт итеүен иғтибарға алды.

«Граждандарға иғтибарлыраҡ булырға кәрәк, — тип иҫәпләй мөдир. — Коммуналь хужалыҡ хеҙмәткәрҙәре кешене ҡолауҙан ҡотҡара алмай».

Пунктта тәүлек әйләнәһенә бер табип, өс шәфҡәт туташы, ике рентгенолог эшләй. Ҡайһы саҡта, кешеләр күп булған осраҡта, икенсе смена ярҙамға килә.

Өфөлә өлкәндәр өсөн травматология пункттары тәүлек әйләнәһенә ҡабул итә: 10-сы дауахана, Горький урамы, 47, тел. 243-25-38; 21-се дауахана, Урман тыҡрығы урамы, 3, тел. 232-54-91; 32-се дауахана, Хмельницкий урамы, 88, тел. 263-19-17; 5-се дауахана, Цюрупа урамы, 84, тел. 250-68-00.

Балалар өсөн травматология пункттары көн һайын иртәнге сәғәт 8-ҙән киске 10-ға тиклем эшләй: 4-се поликлиника, Орджоникидзе урамы, 15, телефон 263-15-97; 5-се, Жуков урамы, 18, тел. 241-24-84; 6-сы, Аксаков урамы, 62, тел. 250-59-46. 17-се балалар дауаханаһының травматология пункты Азатлыҡ урамы, 29 адресы буйынса урынлашҡан, телефон 263-56-00.

#һаулыҡ һаҡлау #боҙлауыҡ #травматология пункттары

Присоединяйтесь — больше и быстрее в наших соцсетях:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.