91.78
0
Башҡортостан һәм Өфө яңылыҡтары
98.03
0
83.66
+0.22
6+ °C
Ясна
Бөтә яңылыҡтар
Йәмғиәт
28 Октябрь 2016, 16:35
Златоуст ҡалаһында башҡорт атлыларына һәйкәл асыла
ӨФӨ, 2016 йыл, 28 октябрь. /«Башинформ» мәғлүмәт агентлығы, Ғәлиә Нәбиева/. Златоуст ҡалаһында 1812 йылғы Ватан һуғышында һәм 1813-1814 йылдарҙа рус армияһының сит ил походтарында ҡатнашҡан 18-се башҡорт атлы полкы яугирҙәренә арналған һәйкәл асыла.
Һәйкәл төҙөү идеяһын Силәбе өлкәһендәге «Башҡорт ҡоролтайы» йәмәғәт ойошмаһының Златоуст бүлексәһе рәйесе, Ветерандарҙың ҡала советы ағзаһы Данис Хужин тәҡдим иткән. Златоуст депутаттары йыйылышы һәйкәлдең проектын әҙерләргә һәм уны ҡуйыу өсөн урын билдәләргә тигән ҡарар сығарған. Уның башланғысын Башҡортостандың Урал төбәктәрендәге вәкиле Амур Хәбибуллин да хуплаған, тип хәбәр иттеләр даими вәкиллектә.
Тарихи документтар буйынса, 1812 йылдың сентябрендә Златоуста 18-се башҡорт атлы полкы ойошторола. 1812 йылдың 14 октябрендә ул Түбәнге Новгородҡа походҡа юллана.
Француздар башҡорттарҙы уҡтан оҫта атҡандары өсөн «төньяҡ амурҙары» тип атаған. Күптән түгел Силәбелә Ҡала көнөн байрам итеү сиктәрендә башҡорт атлыларына — 1812 йылғы Ватан һуғышы яугирҙәренә һәйкәл асылды.
Данис Хужин үҙе хәбәр итеүенсә, һәйкәл ҡунаҡтарҙы һәм туристарҙы йәлеп итеү өсөн оҫталар ҡалаһында лайыҡлы урын аласаҡ.
Читайте нас:
Электрон почта
Адресы
450077, Уфа, Кирова, 45
Реклама хеҙмәте
(347) 250-11-11
Редакция
(347) 250-07-28
Ҡабул итеү бүлмәһе
(347) 250-05-07
Хеҙмәттәшлек
(347) 250-06-14
Кадрҙар бүлеге
© 1992-2024 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.
Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.
18+ запрещено для детей.
При перепечатке или цитировании ссылка на ИА «Башинформ» обязательна. Для интернет-изданий и социальных сетей прямая активная гиперссылка обязательна. Использование логотипа ИА «Башинформ» в целях, не связанных с ссылкой на агентство при перепечатке или цитировании, допускается только с письменного разрешения АО ИА «Башинформ».