Башҡортостан һәм Өфө яңылыҡтары
89.82
+0.12
99.72
+0.52
71.06
-1.63
10+ °C
Болотло
Баш
Рус
Eng
Бөтә яңылыҡтар
Йәмғиәт
27 Октябрь 2016, 14:27
Баш ҡалала иң талантлы йәш ғаилә билдәләнде
Өфө ҡалаһы хакимиәтенең йәштәр эштәре буйынса комитеты
ӨФӨ, 2016 йыл, 27 октябрь. /«Башинформ» мәғлүмәт агентлығы, Гөлфиә Акулова/. Өфөлә «Йәш ғаилә-2016» конкурсы еңеүселәре билдәләнде. Кисә Ҡала мәҙәни-ял итеү үҙәгендә бәйгенең финалы үтте.
Ҡаланың иң яҡшы ғаиләһе исеме өсөн Өфө райондары ғаиләләре көс һынашты. Дим районынан — Сафиндар, Киров районынан — Әйүповтар, Калинин районынан — Хәйретдиновтар, Ленин районынан — Хәлитовтар, Октябрь районынан — Ғафаровтар, Орджоникидзе районынан — Янситовтар, Совет районынан Сәйетғәлиндар сығыш яһаны.
Конкурста ҡатнашыусылар үҙҙәренең шәжәрә ағасы, ғаилә традициялары менән таныштырырға, концерт номерҙары күрһәтергә тейеш ине.
Бәйге йомғаҡтары буйынса жюри ағзалары Гран-приға Октябрь районынан Ғафаровтар ғаиләһен лайыҡлы тип тапты. Тап улар «Йәш ғаилә-2016» республика конкурсында Өфө исеменән сығыш яһай. Юлиә һәм Рәмил Ғафаровтар ун йыл бергә йәшәй, ул һәм ҡыҙ тәрбиәләй. Ғаилә башлығы художестволы иретеп йәбештереү менән мауыға, тормош иптәше бейеү менән шөғөлләнә.
Башҡа ҡатнашыусылар «Романтизм һәм ғаилә гармонияһы», «Әүҙемлек һәм үҙенсәлеклек өсөн», «Ғаилә традицияларына тоғролоҡ өсөн», «Ижадилыҡ һәм заманса ҡараш өсөн», «Үҙенсәлеклек өсөн», «Башҡарыу оҫталығы һәм ижади ҡараш өсөн» номинацияларында билдәләнде.
«Йәш ғаилә-2016» конкурсын ойоштороусылар — Өфө хакимиәте һәм баш ҡаланың йәштәр эштәре буйынса комитеты.
Теги:
конкурс
йәш ғаиләләр
Читайте нас: