Мәскәүҙә «Киләһе станция — «Башҡортостан» тигән экспозиция асылды

автор

IMPORT Сервисный

ӨФӨ, 2016 йыл, 18 октябрь. /«Башинформ» мәғлүмәт агентлығы, Гөлсәсәк Ханнанова/. Мәскәүҙең «Выставочная» метро станцияһында «Мосметрострой» компанияһының юбилейына арналған «85 йыл уникаль тәжрибә» тип аталған экспозиция асылды. Ул ер аҫты төҙөлөшөнөң күп йыллыҡ тарихы, шул иҫәптән быға тиклем аҙ билдәле булған тарихи факттар менән таныштыра. Башҡортостан экспозицияһынан мәскәүҙәр метрополитендың тәүге сиратын төҙөү өсөн республиканың тәүҙә Ҡалтасы, хәҙер иһә Краснокама районы үҙәге Николо-Берёзовка ауылынан биш меңгә яҡын кешенең килеүе хаҡында белде.

Күргәҙмәлә Мәскәү метрополитены һәм «Мосметрострой» компанияһы музейҙары коллекцияһын берләштергән экспонаттар тупланған. Унда тарихи документтар һәм фотоһүрәттәр, төрлө йылдарҙағы төҙөүселәрҙең ҡоралдары, баш ҡалалағы метро станцияларының ҡабатланмаҫ архитектураһы тураһында хикәйә, үҙенсәлекле артефакттар урын алған.

Күргәҙмәне асыу тантанаһында Мәскәү метроһы етәкселәре — «Мосметрострой» асыҡ акционерҙар йәмғиәтенең генераль директоры Сергей Жуков һәм «Мәскәү метрополитены» дәүләт унитар предприятиеһы етәксеһе Дмитрий Пегов республика халҡының метро төҙөүҙә ҡатнашыуы темаһына айырыуса ҙур иғтибар бүлде. «Бөгөн Мәскәү метроһы 203 станциянан тора. Әммә барыһы ла бер нисә тәүге станциянан һәм 1930 йылдарҙағы, шул иҫәптән Башҡортостандан килгән герой-комсомолдарҙың ауыр хеҙмәтенән башланған, — тине Сергей Жуков. — Уларҙың хеҙмәте, шул иҫәптән метрополитен станцияларының береһенең исемендә мәңгеләштереүгә лайыҡ».

Икенсе башланғыс — метро станцияларының береһендә Башҡортостан төҙөүселәренең хеҙмәт ҡаһарманлығына арналған мемориаль таҡтаташ ҡуйыу мөмкинлеге лә тикшерелде.

«Мосметрострой» етәкселегенә Николо-Берёзовка ауылынан бүләк — башҡорт балы һәм республиканың халыҡ рәссамы Владислав Меостың «Ҡорамға юл» картинаһы тапшырылды. Ошо көндәрҙә Николо-Берёзовка ауылында метро төҙөүселәргә мемориаль таҡтаташ асылды.

Мәскәүҙәге күргәҙмә 14 ноябргә тиклем эшләй.

1 из 4

#күргәҙмәләр #мәскәү метроһы #хәтер

Присоединяйтесь — больше и быстрее в наших соцсетях:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.