Өфөлә Интернациональ урамының яңы участкаһы асылды

Башҡортостан Башлығының матбуғат хеҙмәте

IMPORT Сервисный

ӨФӨ, 2016 йыл, 10 октябрь. /«Башинформ» мәғлүмәт агентлығы, Александр Смирнов/. 7 октябрҙә Өфөлә мөһим инфраструктура объектын – Машина эшләүселәр урамынан алып Вологда урамына тиклемге участкала Интернациональ урамының дауамын асыу тантанаһы булды. Башҡортостан Башлығы Рөстәм Хәмитов ҡала халҡын ошо шатлыҡлы ваҡиға менән ҡотланы.

– Бөгөн Өфөлә икенсе тантаналы ваҡиға. Иртән Затон күперен астыҡ. Ошо һәйбәт ҡоролма 5 миллиард һум самаһы тора, – тине төбәк етәксеһе. – Хәҙер беҙ Интернациональ урамының яңы участкаһын асабыҙ. Хаҡы – яҡынса 240 миллион һум, был да аҙ аҡса түгел.

Яңы участканы файҙаланыуға тапшырыу Өфөнөң төньяҡ райондарындағы урамдарҙа хәрәкәтте кәметергә һәм ҡаланың географик үҙәген (Октябрь проспекты) Өфө – Шакша трассаһы менән тоташтырырға мөмкинлек бирә. Шул рәүешле автотранспорттың Силәбе яғынан ҡаршылыҡһыҙ хәрәкәте өсөн шарттар булдырылған.

Әлеге объектты 1970 йылдарҙан проектларға тырышһалар ҙа, ҡала хеҙмәттәре проектты 2014 йылда ғына тормошҡа ашыра башланы.

Интернациональ урамының дауамын төҙөүгә әҙерләнеү барышында 630 металл гараждар емерелде, ямғыр канализацияһы төҙөлдө, инженер селтәрҙәре үткәрелде. Бында шулай уҡ газондар һәм велосипед юлдары ҡаралған. Участкала юл-дублёр ҙа төҙөлгән, ошо юл буйынса эргә-тирәләге йорттарҙа йәшәүселәр үҙ ихаталарына ҡаршылыҡһыҙ инә ала. Урамда 107 яҡтыртыу ҡоролмаһы урынлаштырылған.

Яңы юлда дүрт һыҙатлы хәрәкәт ойошторолған.

– Пландарыбыҙ һәйбәт. Интернациональ урамын Ағиҙел йылғаһына тиклем төҙөп бөтөргә теләйбеҙ. Артабан Ағиҙел аша М-7 трассаһына сығырға мөмкинлек биргән яңы күпер һалынасаҡ, – тип билдәләне Рөстәм Хәмитов. – Ошо юл һеҙгә оҡшар, тип ышанам. Был һәйбәт һәм кәрәкле объект. Ҡотлайым! Төҙөүселәргә, проектлаусыларға, ошо объектта эшләгәндәрҙең барыһына ла рәхмәт.

1 из 6

#юл төҙөлөшө #бр башлығы

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адресы

450077, Өфө, Киров урамы, 45 (347) 250-05-07

Реклама хеҙмәте

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.