«Аҡ тирмә» башҡорт мәҙәни үҙәгенең әүҙем ағзалары Липецк өлкәһендә булды

«Аҡ тирмә» мәҙәни үҙәге

IMPORT Сервисный

ӨФӨ, 2016 йыл, 30 сентябрь. /«Башинформ» мәғлүмәт агентлығы, Гөлсәсәк Ханнанова, Вера Прокофьева/. «Аҡ тирмә» башҡорт мәҙәни үҙәгенең әүҙем ағзалары Липецк өлкәһенең Тербун районында — 1942 йылда 112-се Башҡорт кавалерия дивизияһы урындағы халыҡты фашистар һөжүменән һаҡлаған урында булды. Ошо сәфәр барышында дивизияның һәләк булған яугирҙәре иҫтәлегенә ҡуйылған обелискта исемдәрҙе тергеҙеү буйынса ҙур эҙләнеү эше алып барылды.

2015 йылдың мартында Мәскәүҙә ойошторолған «Аҡ тирмә» башҡорт мәҙәни үҙәгенең эшмәкәрлеге концерттар менән генә сикләнмәне. 2016 йылда Еңеү көнөндә бер төркөм ҡатнашыусылар Липецк өлкәһенең Тербун районындағы туғандар ҡәберлегенә барҙы һәм һуғыш ваҡытында ошо урында урынлашҡан 112-се Башҡорт кавалерия дивизияһын хөрмәтләп иҫкә алды. Урындағы халыҡ менән осрашыуҙан һуң үҙәк ағзалары башҡорт дивизияһының һәләк булған яугирҙәренең исемлеген тергеҙеүгә бәйле эҙләнеү эшен алып барыу өсөн көҙгөһөн йәнә Тербун районына килергә хәл итте. Асыҡланыуынса, ауылда ҡуйылған обелискта һәм 112-се дивизияның юғалтыуҙары хаҡында документ күсермәләрендә улар тураһында мәғлүмәттәр айырыла, һәм һәләк булған 244 яугирҙең исемдәре стелаға яҙылмаған.

Сентябрь аҙағында үҙәктең әүҙем ағзалары «Геройҙар алдында баш эйәбеҙ» проектына башланғыс һалыусы Замир Вәхитовтың саҡырыуы буйынса йәнә Тербун районында булып ҡайтты. Улар һәләк булған яугирҙәргә яңы обелиск яһауға өлгәшеү һәм Өфөнөң эҙәрмән отрядтары өсөн районда ҡаҙыу эштәре менән шөғөлләнеүгә рөхсәт алыу өсөн район хакимиәте вәкилдәре һәм урындағы халыҡ менән осрашты. Тербун районы хакимиәте башлығы урынбаҫары Андрей Астафьев һәм 2-се Тербун ауылы хакимиәте башлығы Вера Болгова ҙур ярҙам күрһәтте. Сәфәр барышында «Аҡ тирмә» ағзалары урындағы музейҙы ҡараны. Район хакимиәте башлығы Сергей Барабанщиков менән осрашыуҙа 244 геройҙың исеме яҙылған яңы обелиск ҡуйыу тураһында һөйләшеп килешелде.

1 из 8

#хәтер #эҙләнеү эше #башҡорт кавалерия дивизияһы

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.