Киҙеүҙең яңы тулҡыны ҡасан башланасағы билдәле булды

Олег Яровиков

IMPORT Сервисный

ӨФӨ, 2016 йыл, 28 сентябрь. /«Башинформ» мәғлүмәт агентлығы, Эльмира Сабирова/. 2017 йылдың ғинуар айында киҙеүҙең эпидемик күтәрелеше башланыуы ихтимал, тип хәбәр итте Роспотребнадзор етәксеһе, Рәсәйҙең баш дәүләт санитар табибы Анна Попова матбуғат конференцияһында.

«AH3N2 киҙеүенең штаммы үҙгәреүе беҙҙе борсоуға һала. Былтыр ул 2013 йылғы «Швейцария» булһа, быйыл иһә «Гонконг» варианты. Сир ауыр үтә, һәм быйыл уның Рәсәйгә килеүе күҙаллана», — тип аңлатма бирҙе Анна Попова.

Уның әйтеүенсә, ул айырыуса кескәй балалар, иммунитеты ҡаҡшаған кешеләр һәм ололар өсөн хәүефле.

Башҡортостан буйынса Роспотребнадзор идаралығында хәбәр итеүҙәренсә, республикала киҙеүҙе иҫкәртеү буйынса халыҡты иммунизациялау әүҙем бара. Ведомство мәғлүмәттәренә ярашлы, 715 меңдән ашыу кешегә прививка яһалған, уларҙың өс меңдән ашыуы — предприятиелар аҡсаһы иҫәбенә. Уҙған йылдың ошо уҡ осоронда федераль ҡаҙна иҫәбенә 64,5 мең кеше прививка яһатҡан.

Төбәктә өлкәндәрҙе иммунизациялау өсөн «Совигрипп» һәм «Гриппол», балалар өсөн «Совигрипп», «Гриппол плюс» вакциналары бар. Улар илебеҙҙә етештерелә.

Республика буйынса Роспотребнадзор идаралығында хәбәр итеүҙәренсә, прививка яһатҡан кешеләр бөтөнләй ауырымай йә иһә сирҙе еңел кисерә.

Әлеге ваҡытта Башҡортостанда киҫкен респиратор вирус инфекцияһы сирҙәре менән ауырыу осраҡтары күҙәтелә. Әммә ауырыу кимәле эпидемик сиктән түбән.

#киҙеү #прививкалар #эпидемия #халыҡты иммунизациялау

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.