Республика ғалимдары — Рәсәй Фәндәр академияһы эксперттары

«Башинформ» мәғлүмәт агентлығы

IMPORT Сервисный

ӨФӨ, 2016 йыл, 30 август. /«Башинформ» мәғлүмәт агентлығы, Әлим Фәйезов/. Башҡортостандан алты ғалим — Рәсәй фәндәр академияһы эксперттары. Рәсәй Фәндәр академияһы Өфө ғилми үҙәгенең Тарих, тел һәм әҙәбиәт институты хеҙмәткәрҙәре ошо абруйлы исемгә лайыҡ булды. Улар — Рәсәй Фәндәр академияһы Өфө ғилми үҙәгенең Тарих, тел һәм әҙәбиәт институты директоры вазифаһын башҡарыусы, география фәндәре докторы, профессор, Башҡортостандың атҡаҙанған фән эшмәкәре Айбулат Псәнчин, башҡорт тел белгесе, филология фәндәре докторы, профессор, йәмәғәт һәм дәүләт эшмәкәре, Рәсәйҙең атҡаҙанған фән эшмәкәре Фирҙәүес Хисаметдинова, тарих фәндәре докторы, атҡаҙанған фән эшмәкәре Рима Сөләймәнова, институттың төп ғилми хеҙмәткәре, лингвистика һәм мәғлүмәт технологиялары лабораторияһы мөдире, башҡорт теленең машина фондын булдырыусы Зиннур Сиражетдинов, филология фәндәре кандидаты, тел ғилеме бүлегенең өлкән ғилми хеҙмәткәре Шамил Нафиҡов, филология фәндәре кандидаты, тел ғилеме бүлегенең өлкән ғилми хеҙмәткәре Гөлназ Баһауетдинова-Йәғәфәрова.

Рәсәй Фәндәр академияһы эксперттары экспертиза объекттарына, шул иҫәптән ғилми-техник программалар һәм проекттарға, ғилми ойошмалар эшмәкәрлегенең ғилми һөҙөмтәләренә, ғилми һәм ғилми-техник һөҙөмтәләргә, фән, фәнни-техник һәм инновация эшмәкәрлеге, интеллектуаль милекте һаҡлау өлкәһендәге норматив-хоҡуҡи акттарға, ғилми-техник ҡарарҙарға экспертиза үткәреүҙә әүҙем ҡатнашасаҡ.

Эксперттар көҙ көнө үк эшкә тотонасаҡ. 2016 йылдың ноябренән 2017 йылдың февраленә тиклемге осор айырыуса ҡыҙыу булмаҡсы. Рәсәй Фәндәр академияһы төрлө ведомствоға ҡараған дәүләт ойошмалары эшмәкәрлегенең 100 һөҙөмтәһенә экспертиза үткәрергә һәм федераль ҡаҙна аҡсаһы иҫәбенә булдырылған биш мең ғилми һәм ғилми-техник һөҙөмтәләргә йомғаҡ яһарға тейеш. Бынан тыш, Рәсәй фәндәр академияһы эксперттары фәнни, фәнни-техник һәм инновация эшмәкәрлеге, интеллектуаль милекте һаҡлау өлкәһендә норматив-хоҡуҡи акттарҙы анализлауға йәлеп ителә.

#рәсәй фәндәр академияһы

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.