Среда, 29 Апреля 2026

Уфа

+12 °С

Главное Иҡтисад Йәмғиәт Мәҙәниәт Барыһы ла Еңеү өсөн Сәйәсәт Спорт Хәл-ваҡиғалар

|Последние новости

Төп бит/Йәмғиәт

08:58 (UTC+5), 29 Августа 2016

Рөстәм Хәмитов «МИР» йәштәр конвентында ҡатнашыусылар менән осрашты

Олег Яровиков

IMPORT Сервисный

ӨФӨ, 2016 йыл, 29 август. /«Башинформ» мәғлүмәт агентлығы, Александр Смирнов/. 27 августа Өфөләге Конгресс-холда Башҡортостан Башлығы Рөстәм Хәмитов «Йәштәр. Идеялар. Үҫеш» йәштәр конвентында ҡатнашыусылар менән осрашты.

Төбәк Башлығы йәштәргә үҙенең көн тәртибе, Башҡортостандағы иҡтисади һәм демографик хәл тураһында һөйләне, айырыуса мәғариф мәсьәләләренә туҡталды.

– Хәҙер йәштәр өсөн иң мөһиме – сифатлы белем алыу. Бөгөн республикабыҙҙа белем биреүҙең сифатын күтәреү кәрәклеге хаҡында һүҙ алып барыуығыҙҙы беләм. Уҡыу йорттары һәйбәт булһа ла, күп кенә заманса йүнәлештәр буйынса белем алыу өсөн улар ғына етмәй, – тип билдәләне Рөстәм Хәмитов. – Йәштәребеҙ ошо йүнәлештәр буйынса Өфөлә уҡый алһын өсөн белем биреүҙе тейешле кимәлдә ойоштороу мөһим.

Осрашыу барышында республика Башлығы конвентта ҡатнашыусыларҙың һорауҙарына яуап бирҙе. Муниципалитеттарҙың инфраструктураһын үҫтереү, шул иҫәптән спорт, мәҙәни, социаль объекттар төҙөү һәм уларҙы реконструкциялау йәштәрҙе борсоған төп темаларҙың береһе булды. Мәҫәлән, Бөрө ҡалаһы вәкиле «Республиканың 100 йыллығына – 100 яңы объект» проекты сиктәрендә ҡалала яңы бала табыу йорто төҙөүҙәрен һораны.

Фән мәсьәләләрен тикшергәндә, ҡатнашыусыларҙың береһе ауыл хужалығын ғилми-техник яҡтан үҫтереүгә арналған төбәк Башлығы ҡарамағындағы Фән буйынса совет ултырышын үткәрергә тәҡдим итте. Йәштәр унда профилле ведомстволарға үҙҙәренең идеяларын һәм проекттарын тәҡдим итә алыр ине. Рөстәм Хәмитов башланғысты хупланы һәм көҙ көнө үк ошондай ултырыш буласағын билдәләне.

Республика алдында торған глобаль мәсьәләләр тураһында һорауға яуап биргәндә, төбәк етәксеһе улар иҫәбендә Башҡортостанда дуҫтарса ижтимағи-сәйәси мөхит булдырыуҙы һәм һәләтле йәштәрҙең ситкә китеүен атаны.

Осрашыу һуңында төбәк Башлығы республика етәкселегенә Берҙәм йәштәр программаһының мөһим наказдарын уҡып ишеттерҙе. Улар белем биреүҙең сифатын һәм абруйын күтәреүгә, йәштәр торлаҡ кооперативтарын индереүгә, туризмды үҫтереүгә, Йәштәр йорто һәм республика технополисын асыуға ҡағыла.

«МИР» проекты йәштәрҙең иң яҡшы вәкилдәрен берләштереүгә, башланғыстарҙы бергәләп тормошҡа ашырыуға йүнәлтеүгә, йәштәрҙең ҡеүәтен һаҡлау һәм үҫтереү өсөн уңайлы шарттар тыуҙырыуға йүнәлтелгән. Проект сайтты һәм уға бәйле мобиль ҡушымтаны, «Кадрҙар активы» мәғариф программаһын, ойошмаларҙың, әүҙем ағзаларҙың һәм муниципаль берәмектәрҙең эшмәкәрлеген баһалау системаһын үҙ эсенә ала, шулай уҡ йыл һайын «Йәштәр. Идеялар. Үҫеш» йәштәр конвентын һәм «Тыныслыҡ. Хеҙмәт. Май» йәштәр кадрҙар конференцияһын үткәреүҙе күҙ уңында тота.

1 из 10

#йәштәр сәйәсәте #бр башлығы

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.