Өфөлә «Ҡатын-ҡыҙҙар диалогы. Хәйриәлек» халыҡ-ара форумы уҙа

IMPORT Сервисный

ӨФӨ, 2016 йыл, 18 август. /«Башинформ» мәғлүмәт агентлығы, Эльмира Сабирова/. 17-18 ноябрҙә Өфөлә «Ҡатын-ҡыҙҙар диалогы. Хәйриәлек» халыҡ-ара форумы ойошторола. Уны үткәреү өсөн «Мәрхәмәт» хәйриә фонды яҡынса 5 миллион һум күләмендә федераль грант отто. 17 августа Башҡортостан Хөкүмәтендә сараға әҙерлек буйынса ойоштороу комитетының беренсе ултырышы булды.

Баш ҡалала «Ҡатын-ҡыҙҙар диалогы. Хәйриәлек» конференцияһы 2018 йылда үтәсәк икенсе Евразия форумына әҙерлек сиктәрендә ойошторола, тип билдәләне Федерация Советының Фән, мәғариф һәм мәҙәниәт буйынса комитет рәйесенең беренсе урынбаҫары Лилиә Ғүмәрова.

«Былтыр сентябрь айында Санкт-Петербургта тәүге Евразия ҡатын-ҡыҙҙар форумы уҙҙы. Майҙансыҡтарҙың береһе гуманитар хеҙмәттәшлек һәм хәйриә эшмәкәрлеген үҫтереү мәсьәләләренә арналды. Башҡортостан унда хәйриә эшмәкәрлеген үҫтереү мәсьәләләре һөҙөмтәле хәл ителгән субъекттарҙың береһе тип танылды», — тине Лилиә Ғүмәрова.

Әле икенсе Евразия форумын үткәреү урыны тураһында мәсьәлә хәл ителә, тип өҫтәне сенатор.

«Уның республиканың баш ҡалаһында ла уҙыуы ихтимал. Санкт-Петербург һәм Мәскәү менән бер рәттән Өфө майҙансыҡтарҙың береһе булараҡ ҡарала», — тине Лилиә Ғүмәрова.

«Ҡатын-ҡыҙҙар диалогы. Хәйриәлек» форумында Рәсәйҙең, яҡын һәм алыҫ сит илдәрҙең ҡатын-ҡыҙҙар хәрәкәте лидерҙары, хәйриә фондтары һәм йәмәғәт ойошмалары вәкилдәре иң яҡшы тәжрибәләре менән уртаҡлашасаҡ. Сарала Диана Гурцкая, Вячеслав Фетисовтың һәм башҡа билдәле кешеләрҙең ҡатнашыуы көтөлә.

#хәйриә #халыҡ-ара форум

Присоединяйтесь — больше и быстрее в наших соцсетях:

Рубрики

Телефон

(347) 250-05-07

Адрес

450077, Өфө, Киров урамы, 45

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

Отдел кадров

ok@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.