«Өфө-Эльбрус. Вертикаль» экспедицияһында ҡатнашыусылар тыуған төйәгенә ҡайтты

IMPORT Сервисный

ӨФӨ, 2016 йыл, 9 август. /«Башинформ» мәғлүмәт агентлығы, Ләйлә Аралбаева/. «Өфө-Эльбрус. Вертикаль» экспедицияһында ҡатнашыусылар тыуған төйәгенә ҡайтты. Проектты ойоштороусылар — Рус география йәмғиәте, Башҡортостан юлдаш телевидениеһы һәм «Юл радиоһы». Экспедицияла ҡатнашыусы Рөстәм Сиражетдинов һөйләүенсә, сәфәрҙең маҡсаты — «Өфө-Эльбрус. Вертикаль» документаль фильмын төшөрөү. Тап 50 йыл элек, 1966 йылда, Ҡабарҙа-Балҡар Республикаһында режиссер Станислав Говорухин етәкселегендәге ижади төркөм «Вертикаль» фильмы өҫтөндә эшләй башлай.

12 кешенән торған экспедиция Пятигорск ҡалаһында, Терскол ауылында, Чегет тауы итәгендә, «Приэльбрусье» милли паркында, Пастухов ҡаяларында һәм башҡа ҡыҙыҡлы урындарҙа булды. Ставрополдәге «Юца» үтә еңел авиация федерацияһы аэродромында ижади төркөм «Cessna» еңел самолетында Машук тауҙарын, Пятигорскиҙағы билдәле Провал күлен төшөрҙө. Терскол ауылында билдәле «Санников ере» картинаһы төшөрөлгәнен күргән кешеләр менән танышыу мөмкинлеге тыуҙы. Бында ошо яҡтарҙа берҙән-бер иҫән ҡалған һуғыш ветераны Хажиморат Бичекуев менән осрашыу уҙҙы.

Донгуз Орун тарлауығында экспедицияла ҡатнашыусылар шул уҡ исемдәге күлдә һыу инде. Бында, 2600 метр бейеклектә, «Вертикаль» һәм «Аҡ шартлау» фильмдарының бер өлөшө төшөрөлгән. Экспедицияла ҡатнашыусылар Шхельдин тарлауығында, Тегенекли ҡасабаһында В.С.Высоцкий исемендәге Альпинизм музейында булды. Музей СССР-ҙың һәм Рәсәйҙең атҡаҙанған физик культура эшмәкәре, атҡаҙанған тренер Хөсәйен Зәлиханов көсө менән булдырылған.

Экспедицияла ҡатнашыусылар, республиканың йырсы-бардтары Александр Лынник, Александр Топольников һәм Рәмил Бәҙәмшин Пастухов ҡаяларында, 4000 метрҙан ашыу бейеклектә, үҙенсәлекле концерт ҡуйҙы. Сәйәхәтселәр 5100 метрға күтәрелеп, Эльбрусҡа менеп етте. Европаның иң бейек тауы түбәһендә — Эльбруста Рус география йәмғиәте, Башҡортостан юлдаш телеканалы һәм «Юл радиоһы»ның флагтары елберҙәй.

Пятигорскиҙа «Юца» аэродромында дельтапланеризм буйынса Рәсәй чемпионаты ваҡытында автор йырҙары концерты үтте. Сәхнәлә Владимир Высоцкийҙың, танылған йырсылар Александр Лынниктың, Александр Топольниковтың һәм Рәмил Бәҙәмшиндың йырҙары яңғыраны.

#экспедиция #рус география йәмғиәте #эльбрус

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адресы

450077, Өфө, Киров урамы, 45 (347) 250-05-07

Реклама хеҙмәте

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.