Силәбелә һабантуйҙа иң яҡшы көрәшсе һарыҡ менән бүләкләнә

Олег Яровиков

ӨФӨ, 2016 йыл, 28 июнь. /«Башинформ» мәғлүмәт агентлығы, Арина Рәхимҡолова/. Силәбелә ҡала һабантуйына әҙерлек бара. Байрам 2 июлдә «Еңеү баҡсаһы» паркында уҙғарыла. Тантанаға Көньяҡ Уралдың баш ҡалаһында йәшәүселәр һәм ҡунаҡтар саҡырыла. Байрамды, ғәҙәттәгесә, Силәбе хакимиәте ойоштора.

Республиканың Урал федераль округындағы вәкиле Амур Хәбибуллин әйтеүенсә, Башҡортостан мәҙәниәтен һабантуйһыҙ күҙ алдына килтереп булмай. Бөгөн һабан байрамы — игенсе хеҙмәтен данлау, күңел асыу, һый-ниғмәт һәм уйын-көлкө ул.

Силәбелә лә сараның төп күрке милли көрәш буласаҡ. Һабантуй батыры һарыҡ менән бүләкләнәсәк. Ә бына ат сабышы уҙғарылмай, сөнки парк бәләкәй.

Ҡунаҡтарҙы бай программа: Силәбе өлкәһенең, Башҡортостан һәм Татарстан республикалары ижади коллективтарының ҙур концерты көтә. Парк аллеяларында тирмәләр ҡорола, унда теләгән һәр кем милли ризыҡтарҙан һәм эсемлектәрҙән ауыҙ итә ала. Балалар һәм үҫмерҙәр өсөн халыҡ уйындары һәм аттракциондар ойошторола.

Спорт ярыштары программаһында — гер күтәреү, тоҡ кейеп йүгереү, арҡан тартышыу. Шулай уҡ тирҙа атырға, батутта һикерергә һәм атта, дөйәлә, пониҙа йөрөргә мөмкин, тип һөйләне Башҡортостандың Силәбе өлкәһендәге даими вәкиллегенең матбуғат секретары Михаил Хәбиров.

Теги:төбәктәрҙәге башҡорттар һабантуй байрамдар

Читайте нас:

Рубрики

Электрон почта

Адресы

450077, Уфа, Кирова, 45

Реклама хеҙмәте

(347) 250-11-11

Редакция

(347) 250-07-28

Ҡабул итеү бүлмәһе

(347) 250-05-07

Хеҙмәттәшлек

(347) 250-06-14

Кадрҙар бүлеге

[email protected]

Кире бәйләнеш

© 1992-2024 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.

Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.

18+ запрещено для детей.

При перепечатке или цитировании ссылка на ИА «Башинформ» обязательна. Для интернет-изданий и социальных сетей прямая активная гиперссылка обязательна. Использование логотипа ИА «Башинформ» в целях, не связанных с ссылкой на агентство при перепечатке или цитировании, допускается только с письменного разрешения АО ИА «Башинформ».