Өфө ҡыҙы БРИКС һәм ШОС илдәренең иң сибәр студенты тип танылды

М.Аҡмулла исемендәге БДПУ, социаль селтәрҙәр

IMPORT Сервисный

ӨФӨ, 2016 йыл, 28 июнь. /«Башинформ» мәғлүмәт агентлығы, Гөлфиә Акулова/. «Яҙ королеваһы-2016» XXV Халыҡ-ара матурлыҡ, грация һәм артислыҡ оҫталығы конкурсында М.Аҡмулла исемендәге Башҡорт дәүләт педагогия университеты студенты Гөлнур Зиннәтова еңеү яуланы. Талантлы йәш ҡыҙҙар бәйгеһе Өфөлә «БРИКС һәм ШОС илдәренең студент яҙы» халыҡ-ара фестивале сиктәрендә уҙҙы.

Донъяның һигеҙ иленән 10 ҡыҙ һылыуҡай тажы өсөн көрәште. Улар — Көньяҡ Африка Республикаһы, Ҡытай, Тажикстан, Үзбәкстан, Әрмәнстан, Ҡаҙағстан, Рәсәй һәм Белоруссия вәкилдәре. Рәсәй исеменән конкурста Гөлнур Зиннәтова һәм «Краса Студенчества России-2016» Полина Беспалова сығыш яһаны.

«Яҙ королеваһы» бәйгеһендә ҡатнашыусылар милли кейемдәрҙә, киске һәм туй күлдәктәрендә дефиле күрһәтте, йырланы, бейене, театрлаштырылған номерҙар тәҡдим итте һәм спорт трюктарын башҡарҙы. Мәҫәлән, Ҡытайҙан Ван Сыюе — ҡытайҙарҙың боронғо һөнәре, Әрмәнстан вәкиле Мелина Петросян бер нисә тхэквондо алымы менән таныштырҙы. «Яҙ королеваһы» титулына лайыҡ булған Гөлнур Зиннәтова сәхнәлә ысын башҡорт һабантуйын күрһәтте, йырланы, бейене һәм флейтала уйнаны. Еңеүсе тажын инвалид коляскаһында ултырған ҡыҙҙар араһында «Мисс мира-2013» титулына эйә булған, әүҙем йәмәғәт эшмәкәре Ксения Безуглова тапшырҙы.

Гөлнур Зиннәтоваға 23 йәш, ул сығышы менән Ҡыйғы районының Үрге Ҡыйғы ауылынан. Хәҙер Башҡорт дәүләт педагогия университетында «музыка уҡытыусыһы» белгеслеге буйынса уҡый, «Хылыукай — Bashkirian Beauty» студияһында шөғөлләнә. Быйыл апрель айында Гөлнур илдең иң матур 20 ҡыҙ исемлегенә инде. Үҙе һөйләүенсә, өлгәшелгәндәрҙә туҡталып ҡалырға йыйынмай, киләсәктә лә халыҡ-ара һәм республика проекттарында ҡатнашырға ниәтләй.

1 из 8

#матурлыҡ конкурсы #йәштәр #«брикс һәм шос илдәренең студент яҙы»

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.