Шайморатов генералдың ордены Башҡортостанға тапшырылды

Олег Яровиков

IMPORT Сервисный

ӨФӨ, 2016 йыл, 24 июнь. /«Башинформ» мәғлүмәт агентлығы, Александр Смирнов/. 23 июндә Башҡортостан Башлығы Рөстәм Хәмитовтың Рәсәйҙең мәҙәниәт министры Владимир Мединский менән осрашыуы барышында республикаға генерал-майор Миңлеғәле Шайморатовтың Ҡыҙыл Йондоҙ ордены, уның һәм 112-се Башҡорт кавалерия дивизияһының хәрби юлы тураһында архив материалдары тапшырылды. Орденды Рәсәй Президентының дәүләт наградалары буйынса идаралығы начальнигы урынбаҫары Рөстәм Латипов тапшырҙы.

– Был — республикабыҙ өсөн ҙур тарихи ваҡиға. Республика символдарының береһе булған генерал Шайморатовтың ордены тыуған төйәгенә кире ҡайтты. Был тарихи ғәҙеллекте тергеҙеү, йәштәрҙе тәрбиәләү, илһөйәрлек йәһәтенән бик мөһим, – тине Рөстәм Хәмитов. – Тиҫтәләрсә мең кеше власть структураларына халҡыбыҙ өсөн генерал Шайморатов тураһында иҫтәлектең ни тиклем ҡәҙерле булыуы тураһында һәр саҡ иҫкә төшөрөп торҙо. Был — Рәсәй Президенты Хакимиәте, Рәсәй Мәҙәниәт министрлығы һәм республика власть структураларының берлектәге тырышлығы һөҙөмтәһе. Ләкин был тәү сиратта Бөйөк Ватан һуғышы менән бәйле тарихи хәтерҙе тергеҙеү буйынса эште дауам иткән меңдәрсә кешеләрҙең хеҙмәте.

Генерал Шайморатов халыҡ күңелендә лайыҡлы урын алған, тип билдәләне мәҙәниәт министры. Уға бағышлап йырҙар сығарылған, урамдар уның исеме менән аталған, һәйкәл ҡуйылған.

Награданы тапшырыр алдынан архив документтары менән ентекле эш алып барылды, тип һөйләне Рөстәм Латипов.

– Бөгөнгәсә генерал Шайморатовтың ҡасан һәләк булғаны билдәле түгел, биографияһында үҙенсәлекле «аҡ» таптар байтаҡ. Башҡорт тарихсылары өсөн был ҙур эш: «аҡ» таптарҙы юйып, ошо кешенең ысын тормош юлын яҙыу, – тине ул. – 1990 йылдар башында СССР-ҙың бик күп дәүләт наградалары Рәсәйҙең яңы дәүләт наградаларын әҙерләү өсөн утилләштереү һәм ҡиммәтле металдарҙы файҙаланыу өсөн Гознакка ебәрелгән. Шайморатовтың ордены һаҡланған.

1 из 2

#наградалар #бөйөк ватан һуғышы #бр башлығы

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адресы

450077, Өфө, Киров урамы, 45 (347) 250-05-07

Реклама хеҙмәте

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.