Шаршамбы, 29 Апрель 2026

Өфө

+9 °С

Мөһим яңылыҡтар Иҡтисад Йәмғиәт Мәҙәниәт Барыһы ла Еңеү өсөн Сәйәсәт Спорт Хәл-ваҡиғалар

|Һуңғы яңылыҡтар

Төп бит/Йәмғиәт

12:42 (UTC+5), 07 Июнь 2016

Өфөлә Рус география йәмғиәте Төбәктәр советының күсмә ултырышы асылды

Андрей Старостин

IMPORT Сервисный

ӨФӨ, 2016 йыл, 7 июнь. /«Башинформ» мәғлүмәт агентлығы, Евгения Сюткина/. Бөгөн Өфөлә Рус география йәмғиәте Төбәктәр советының II күсмә ултырышы асылды. Сара «Хилтон» отелендә Рус география йәмғиәтенең Төбәк үҫеше департаменты директоры Александр Хацкевич етәкселегендә уҙа.

Совет Рус география йәмғиәтенең төбәк бүлексәләре рәйестәренән төҙөлгән. Өфөгә Адыгей, Ҡырым, Татарстан, Яҡутстан, Краснодар крайы, Нижегород, Пенза, Һамар, Томск, Силәбе өлкәләренән һәм илдең башҡа төбәктәренән вәкилдәр килде.

Ултырыш башында Төбәктәр советы секретары Светлана Сотникова етәкселек исеменән Рус география йәмғиәтенең Башҡортостандағы төбәк бүлексәһе рәйесе Камил Йыһаншинға Өфөлә осрашыу һәм йыйылған мәсьәләләрҙе тикшереү мөмкинлеге өсөн рәхмәт белдерҙе.

Ултырыш барышында Төбәктәр советының яңы составы менән таныштырыу булды, ҡатнашыусылар Рус география йәмғиәтен үҫтереү стратегияһын тикшерҙе һәм ағымдағы эшмәкәрлек тураһында фекерҙәре менән уртаҡлашты.

Рус география йәмғиәте Төбәк үҫеше департаментының башҡарма директоры урынбаҫары Иван Тягин төбәк вәкилдәрен үҙҙәренең яғындағы туристик продукттар тураһында мәғлүмәт тупларға саҡырҙы. Туристик продукттарҙы ғәмәлгә ашырғанда тап төбәк бүлексәләренә таянырға кәрәк, сөнки үҙ төйәген унда йәшәгән халыҡтан да яҡшыраҡ белеүсе юҡ. Эштә төбәккә, ғилми берләшмәгә, йәмәғәт ойошмаларына Рус география йәмғиәте етәкселегендә үҫешергә мөмкинлек биргән үҙенсәлекте табыу мөһим, тип билдәләне ул. Ошо ыңғайы Иван Тягин Рус география йәмғиәтенең Башҡортостандағы бүлексәһен миҫалға килтерҙе.

«Йыл ярым элек Башҡортостан бүлексәһендә барыһы ла яҡшы түгел ине, башҡарма властың да ярҙамы булманы. Әммә Камил Йыһаншин ошо үҙенсәлекте таба алды», — тине Иван Тягин.

Көндөң икенсе яртыһында Өфөгә Рус география йәмғиәтенең беренсе вице-президенты, Рус география йәмғиәтенең Төбәктәр советы рәйесе Артур Чилингаровтың килеүе көтөлә. Ултырыш республика Башлығы Рөстәм Хәмитов ҡатнашлығында Хөкүмәт йортонда дауам итәсәк.

1 из 9

#рус география йәмғиәте #төбәктәр советы

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адресы

450077, Өфө, Киров урамы, 45 (347) 250-05-07

Реклама хеҙмәте

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.