Воскресенье, 17 Мая 2026

Уфа

+14 °С

Главное Иҡтисад Йәмғиәт Мәҙәниәт Барыһы ла Еңеү өсөн Сәйәсәт Спорт Хәл-ваҡиғалар

|Последние новости

Төп бит/Йәмғиәт

10:25 (UTC+5), 06 Июня 2016

Патриарх Кирилдың Башҡортостанға рәсми сәфәре тамамланды

IMPORT Сервисный

ӨФӨ, 2016 йыл, 6 июнь. /«Башинформ» мәғлүмәт агентлығы, Ғәлиә Нәбиева/. Рус православие сиркәүе башлығының Башҡортостанға сәфәре тамамланды. Сәфәр программаһында республиканың, Өфөнөң православие сиркәүҙәре, «Ләлә-Тюльпан» мәсетенә барыу ҡаралғайны. Патриарх баш ҡаланың иҫтәлекле урындарында ла булды.

«Мин шәхси сәбәптәр буйынса һәм Башҡортостандың, Өфөнөң йөҙҙәрсә йылдар буйы ил тормошонда уйнаған ролен иҫәпкә алып, күптән ошо төбәккә килергә теләгәйнем», — тип билдәләне Патриарх республика Башлығы менән осрашыуҙа.

Ике көнлөк эш сәфәренә йомғаҡ яһап, Патриарх Кирилл «быуаттар дауамында Өфө һәм Башҡортостан бөтә илгә, донъяға Хоҙайға ышанған, әммә төрлө дин тотҡан кешеләрҙең бергә йәшәй, эшләй, бер-береһен хөрмәт итә, никахлаша, балалар тәрбиәләй алыуын күрһәтә, бында мәҙәни, дини ыҙғыштар юҡ» тип билдәләне.

Изге Патриарх Кирилл тәүҙә Бөрө ҡалаһындағы Изге Троицк ҡатын-ҡыҙҙар монастыры ҡорамында булды. 1953-1954 йылдарҙа бында Изге Патриарх Кирилдың олатаһы Василий Степанович Гундяев диакон булып хеҙмәт иткән.

Рус православие сиркәүе башлығы Благовещен районындағы ҙур булмаған Уса-Степановка ауылына ла барҙы. 60-сы йылдарҙа унда олатаһы Василий Гундяев Петропавловск сиркәүендә священник булған.

Мәскәү һәм бөтә Рәсәй Патриархы Кирилл Өфөләге Богородица Раштыуаһы кафедраль соборын изгеләндерҙе. Богородица Раштыуаһы кафедраль соборы — республиканың иң матур православие сиркәүҙәренең береһе. Уны рус православие сиркәүе башлығы ҡатнашлығында изгеләндереү — ысын мәғәнәһендә тарихи ваҡиға. Республика халҡы Башҡортостан юлдаш телевидениеһының тура эфирында ошо йоланы ҡарай алды.

Рус православие сиркәүе башлығы Башҡортостан Башлығы Рөстәм Хәмитовты «Дан һәм хөрмәт» ордены менән бүләкләне. Был награда дәүләт һәм хөкүмәт башлыҡтарына, халыҡ-ара һәм хөкүмәт-ара ойошмаларҙың етәкселәренә, Сиркәү һәм конфессия башлыҡтарына, дәүләт һәм йәмәғәт эшмәкәрҙәренә сиркәү-ара һәм дин-ара хеҙмәттәшлеккә, халыҡтар араһында татыулыҡты һәм дуҫлыҡты нығытыу эшенә ҙур өлөш индергән өсөн тапшырыла. Орден кавалерҙары араһында Изге Патриарх Алексий II, Рәсәй Президенты Владимир Путин, Фидель Кастро, шәйхел-ислам Гаджи Аллахшукюр Паша-заде һәм Ҡаҙағстан Республикаһы Президенты Нурсолтан Назарбаев бар.

1 из 10

#патриарх кирилл #эш сәфәре

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.