Башҡортостандың йыйылма командаһы — «Туриада-2016» спорт-туристик лагерында еңеүсе

Башҡортостан буйынса Баш федераль инспекторҙың матбуғат хеҙмәте

IMPORT Сервисный

ӨФӨ, 2016 йыл, 23 май. /«Башинформ» мәғлүмәт агентлығы, Арина Рәхимҡолова/. Башҡортостан вәкилдәре «Туриада-2016» спорт-туристик лагерында беренсе урын яуланы. Еңеүселәргә награданы Рәсәй Президентының Волга буйы федераль округындағы тулы хоҡуҡлы вәкиле Михаил Бабич тапшырҙы.

18-22 майҙа Һарытау өлкәһендә спорт-туристик лагеры уҙҙы. Быйыл унда Волга буйы федераль округының бөтә төбәктәренән 700-гә яҡын ҡатнашыусы — урындағы спорт-туристик слеттарҙа еңеүселәр һәм профилле белгеслек студенттары йыйылды. Программа сиктәрендә спорт туризмы буйынса Волга буйы федераль округы беренселеге ойошторолдо.Танып белеү туризмы программаһына «Яратам һине, Волга буйы» темаһына видеоконкурс, төбәк-ара туристик маршруттар әҙерләү буйынса ярыш, төбәктәрҙең туристик ҡеүәте менән таныштырыу саралары, брэйн-ринг, бард йыры конкурсы инде.

«Был — «Туриада»ла өсөнсө еңеүебеҙ. 2013, 2014 йылдарҙа ла Башҡортостан вәкилдәре еңеүгә өлгәшкәйне. Республикала туризм мәктәбе көслө тип ғорурлыҡ менән әйтә алабыҙ. Йыл һайын йыйылма команданың төп составында Бөрө балалар туризмы үҙәге һәм ҡаланың туризм, тыуған яҡты өйрәнеү, экскурсиялар үҙәге тәрбиәләнеүселәре сығыш яһай. Округ ярыштары еңеүселәре булараҡ, беҙгә Сочиҙа йәштәр туризмы фестивалендә Волга буйы федераль округы намыҫын яҡлау бурысы йөкмәтелде. Лайыҡлы сығыш яһарға тырышырбыҙ», — тине республика командаһы етәксеһе Николай Пестов.

Волга буйы федераль округында 26 милли парк һәм ҡурсаулыҡ эшләй, улар төбәктәрҙең тәбиғи төрлөлөгөн һаҡлау буйынса ҙур эш, ғилми һәм туристик эшмәкәрлек алып бара.

1 из 7

#спорт туризмы #туриада #волга буйы федераль округы проекттары

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адресы

450077, Өфө, Киров урамы, 45 (347) 250-05-07

Реклама хеҙмәте

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.