Төбәктә Чернобыль фажиғәһенә 30 йыл тулыу уңайынан иҫтәлекле саралар үтә

ӨФӨ, 2016 йыл, 25 апрель. /«Башинформ» мәғлүмәт агентлығы, Гөлфиә Акулова/. 26 апрелдә Чернобыль атом электр станцияһындағы фажиғәгә 30 йыл тула. Был көндә Рәсәйҙә авария эҙемтәләрен бөтөрөүҙә ҡатнашҡандарҙы иҫкә алалар.

Башҡортостанда радиация тәьҫиренә дусар булған 3500 самаһы кеше йәшәй. Шуларҙың 2400-ө тиерлек Чернобыль атом электр станцияһындағы фажиғә һөҙөмтәһендә зыян күргән.

Иҫтәлекле көндөң социаль әһәмиәтен, шулай уҡ Башҡортостан халҡының техноген һәләкәтте бөтөрөүгә ҙур өлөш индереүен иҫәпкә алып, төбәк Хөкүмәте тарафынан Чернобыль фажиғәһенең 30 йыллығына арналған саралар үткәреү буйынса план раҫланған. Мәҙәни саралар, радиацияға дусар булған граждандарға социаль ярҙам, уларҙы медицина йәһәтенән хеҙмәтләндереү һәм йәштәрҙе илһөйәрлек рухында тәрбиәләү акциялары ҡаралған.

Республика Хөкүмәте инвалид-чернобылселәргә, Чернобыль атом электр станцияһында һәләкәт эҙемтәләрен бөтөрөүҙә ҡатнашҡадарға һәм уларҙың тол ҡатындарына иҫтәлекле миҙалдар тапшырыу тураһында ҡарар ҡабул итте.

Башҡортостандың Хеҙмәт һәм халыҡты социаль яҡлау министрлығында хәбәр итеүҙәренсә, 25 һәм 26 апрелдә республиканың барлыҡ муниципаль район һәм ҡала округтарында тантаналы саралар уҙғарыла.

26 апрелдә Башҡортостан юлдаш телеканалының «Телеүҙәк» тапшырыуы иҫтәлекле датаға арнала. Программала Республиканың халыҡҡа социаль ярҙам күрһәтеү үҙәге директоры Николай Калмацкий, йәмәғәт ойошмалары һәм Өфө хакимиәтенең социаль сәйәсәт идаралығы вәкилдәре ҡатнаша.

#чернобыль фажиғәһе #хәтер

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.