Сорғотта тәүге тапҡыр башҡорт йәштәре форумы ойошторола

IMPORT Сервисный

ӨФӨ, 2016 йыл, 21 апрель. /«Башинформ» мәғлүмәт агентлығы, Ләйлә Аралбаева/. 24 апрелдә Сорғотта тәүге тапҡыр башҡорт йәштәре йыйыны уҙғарыла.

Унда округтағы йәштәр төркөмдәренең делегациялары саҡырылған. Сорғот ҡалаһы филармонияһының ҙур залында йәмғиәт, спорт, мәҙәниәт һәм мәғариф майҙансыҡтары эшләйәсәк. Тантаналы кисә делегаттарының һәм ҡунаҡтарҙың форум резолюцияһы проектын тикшереүҙә һәм ҡабул итеүҙә әүҙем ҡатнашыуы көтөлә. Сара йомғаҡтары буйынса Юграның «Мираҫ» башҡорт йәштәре союзының киләһе йылға эш планы һәм эшмәкәрлек программаһы билдәләнәсәк.

«Сорғотта башҡорт йәштәренең ошондай йыйыны тәүгә ойошторола, — тине ойошманың лидеры Рияз Байегетов. — Байтаҡ эш башҡарылған, ҡыҙыҡлы һәм йөкмәткеле сығыштар әҙерләнә. Юграның ижади йәштәренән яңы проекттар һәм конструктив идеялар көтәбеҙ».

Ойоштороусылар әйтеүенсә, башҡорт йәштәренең беренсе форумын үткәреү идеяһы күптән барлыҡҡа килгән. Ханты-Манси автономиялы округында Башҡортостанда тыуып үҫкән меңдәрсә йәш белгес йәшәй һәм эшләй. Уларҙың бергә тупланып, округтың йәмәғәт тормошонда әүҙем ҡатнашыу, үҙҙәренең идеяларын тәҡдим итеү, милли саралар ойоштороу теләге ҙур.

Сараны ойоштороусылар — Бөтә донъя башҡорттары ҡоролтайы башҡарма комитетының йәштәр советы (Өфө ҡалаһы), «Ханты-Манси автономиялы округы — Югра башҡорттары ҡоролтайы» йәмәғәт ойошмаһы ярҙамында Юграның «Мираҫ» башҡорт йәштәре союзы.

Йыйын 24 апрелдә киске сәғәт 6-ла башлана. Сараға бөтә теләүселәр ҙә саҡырыла.

#форум #башҡорт йәштәре

Присоединяйтесь — больше и быстрее в наших соцсетях:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адресы

450077, Өфө, Киров урамы, 45 (347) 250-05-07

Реклама хеҙмәте

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.