Башҡортостан һәм Өфө яңылыҡтары
89.82
+0.12
99.72
+0.52
71.06
-1.63
10+ °C
Болотло
Баш
Рус
Eng
Бөтә яңылыҡтар
Йәмғиәт
7 Апрель 2016, 17:02
Илдең һәләтле балалары Башҡортостандың баш ҡалаһына йыйыла
ӨФӨ, 2016 йыл, 7 апрель. /«Башинформ» мәғлүмәт агентлығы, Гөлфиә Акулова/. 9 апрелдә М.Аҡмулла исемендәге БДПУ-да халыҡ-ара ҡатнашлығында «Рәсәйҙең һәләтле балалары: алтын тауыштар» III Бөтә Рәсәй фестиваль-конкурсы ойошторола. Был хаҡта Өфө хакимиәте хәбәр итә.
Сарала Башҡортостан ҡалалары һәм райондарынан, Рязань өлкәһенән, Улан-Удэ, Уральск (Ҡаҙағстан) ҡалаларынан 750-нән ашыу баланың ҡатнашыуы күҙаллана. Бәйгене уҙғарыу өсөн университеттың ике уҡыу корпусы йәлеп ителәсәк, конкурс тыңлауҙары БДПУ-ның икенсе уҡыу корпусының (Октябрь революцияһы урамы, 3а) һәм етенсе уҡыу корпусының концерт залында (Октябрь революцияһы урамы, 7) үтә.
Фестиваль-конкурс хор башҡарыуы, вокаль ансамбль, вокал (соло) номинациялары буйынса үткәрелә. Ҡатнашыусылар академик, халыҡ һәм эстрада-джаз йыры категорияларында конкурс программаларын тәҡдим итәсәк.
Жюри составына квалификациялы белгестәр, юғары уҡыу йорттары профессорҙары, доценттар һәм уҡытыусылар инә.
Фестиваль-конкурс йомғаҡтары буйынса ҡатнашыусыларға дипломдар һәм иҫтәлекле бүләктәр тапшырыла, еңеүселәргә һәм призерҙарға «Музыкаль белем биреү» йүнәлеше буйынса Башҡорт дәүләт педагогия университетына уҡырға ингәндә өҫтөнлөктәр бирелә.
Теги:
фестиваль-конкурс
балалар ижады
Читайте нас: