Ғалимдар ҡалаларҙа башҡорт халҡының формалашыу проблемаларын тикшерәсәк

Олег Яровиков

IMPORT Сервисный

ӨФӨ, 2016 йыл, 5 апрель. /«Башинформ» мәғлүмәт агентлығы, Арина Рәхимҡолова/. Башҡортостанда «Ҡала башҡорттары: урбанизация һәм халыҡсанлыҡ» IX төбәк-ара ғилми-ғәмәли конференцияла ҡатнашыу өсөн ғаризалар ҡабул ителә. Сара 21 апрелдә Туймазыла уҙғарыла. Уны ойоштороусылар — республика Мәҙәниәт министрлығы, Мәғариф министрлығы, Һаулыҡ һаҡлау министрлығы, Башҡортостан Фәндәр академияһы, Бөтә донъя башҡорттары ҡоролтайының башҡарма комитеты, Рәсәй Фәндәр академияһының Өфө ғилми үҙәге, Рәсәй Фәндәр академияһы Өфө ғилми үҙәгенең Тарих, тел һәм әҙәбиәт институты.

Конференцияла Башҡортостандың көнбайыш райондарынан һәм республика ҡалаларынан делегациялар ҡатнашасаҡ тип күҙаллана. Тарихсы-ғалимдар, этнологтар, демографтар, политологтар, социологтар, филологтар һәм мәғариф, һаулыҡ һаҡлау, юстиция өлкәһендәге белгестәрҙең, шулай уҡ заманса шарттарҙа башҡорт халҡының конструктив үҫеше менән ҡыҙыҡһыныусы йәмәғәт эшмәкәрҙәренең килеүе көтөлә.

Йыйылыусылар республика ҡалаларында башҡорт халҡының формалашыу, урбанизация һәм демография проблемаларын тикшерәсәк. Шулай уҡ «Рәсәй ҡалаларында башҡорттар: заманса шарттарҙа үҫеш үҙенсәлеге», «Башҡортостанда тел торошо үҙенсәлектәре, ҡала шарттарында башҡорт телен һаҡлап ҡалыу проблемалары», «Заманса ҡалала этник-ара, дин-ара, мәҙәни-ара һәм этномәҙәни үҙ-ара эш итеү мәсьәләләре», «Тәрбиә биреү һәм милли мәғариф мәсьәләләре, милли кадрҙар әҙерләү», «Башҡортостан ҡалаларын иҡтисади үҫтереү мөмкинлектәре, ҡала менән ауылдың социаль-иҡтисади бәйләнеше» секциялары ойошторола. Ғалимдар милли үҙаңды үҫтереүҙә интернет-ресурстарҙың ролен ҡараясаҡ.

Конференция республиканың ижтимағи-сәйәси, мәҙәни һәм фәнни тормошонда мөһим ваҡиға булыр, уның һөҙөмтәләре ҡала башҡорттарының этномәҙәни ихтыяжын ҡәнәғәтләндереүгә йүнәлтелгән саралар комплексын үҫтереүгә булышлыҡ итер, тип ышана ойоштороусылар.

#фән #конференциялар #ҡала башҡорттары

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.