Төбәктә туберкулез менән сирләүселәрҙең 85 проценты — ир-егеттәр

IMPORT Сервисный

ӨФӨ, 2016 йыл, 24 март. /«Башинформ» мәғлүмәт агентлығы, Эльмира Сабирова/. Башҡортостанда туберкулез менән сирләүселәрҙең 85 проценты — ир-егеттәр, уларҙың уртаса йәше — 40, тип хәбәр итте «Башинформ» агентлығында уҙған матбуғат конференцияһында Республика клиник туберкулезға ҡаршы диспансерының баш табибы Рәүил Шәрипов. Бигерәк тә халыҡтың социаль яҡланмаған ҡатламы — эшһеҙҙәр, инвалидтар, пенсионерҙар, аныҡ йәшәү урыны булмаған, холоҡ төҙәтеү учреждениеларынан сыҡҡан кешеләр ошо сиргә дусар була. Алкоголь, наркотик ҡулланыусылар, тәмәке тартыусылар йышыраҡ ауырый.

Бөгөн республикала туберкулездың әүҙем формаһы менән сирләүсе 4,5 меңдән ашыу кеше теркәлгән. 2015 йылда төбәктә йәшәүсе 1566 кешелә ошо сир асыҡланған, ауырыу күрһәткесе 100 мең кешегә — 38,5, Рәсәйҙә 49,3 тәшкил иткән.

Иң юғары күрһәткестәр Иглин районында, Благовещенск, Баймаҡ, Салауат, Өфө ҡалаларында теркәлгән.

«Туберкулез — һауа-тын алыу юлы менән таралған инфекция ауырыуы. Уны туберкулез таяҡсаһы тыуҙыра. Сирҙе дауалау оҙаҡ ваҡыт талап итә. Уртаса 90 көндән алып бер нисә йылға тиклем, — тип аңлатма бирҙе Рәүил Шәрипов. — Туберкулезды иҫкәртеүҙең төп сараһы — сәләмәт тормош алып барыу, гигиена ҡағиҙәләрен үтәү, дөрөҫ туҡланыу».

Үҙ ваҡытында флюорография тикшеренеүе үтеү — туберкулезды иртә асыҡлауҙың төп ысулы булып ҡала. Уны ике йылға бер тапҡыр үтеү мөһим.

#һаулыҡ һаҡлау #бөтә донъя туберкулезға ҡаршы көрәш көнө

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адресы

450077, Өфө, Киров урамы, 45 (347) 250-05-07

Реклама хеҙмәте

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.