Шишәмбе, 12 Май 2026

Өфө

+13 °С

Мөһим яңылыҡтар Иҡтисад Йәмғиәт Мәҙәниәт Барыһы ла Еңеү өсөн Сәйәсәт Спорт Хәл-ваҡиғалар

|Һуңғы яңылыҡтар

Төп бит/Йәмғиәт

05:32 (UTC+5), 21 Март 2016

Октябрьский ҡалаһында яңы һыу менән тәьмин итеү системаһы сафҡа индерелде

Олег Яровиков

IMPORT Сервисный

ӨФӨ, 2016 йыл, 21 март. /«Башинформ» мәғлүмәт агентлығы, Александр Смирнов/. 19 мартта эш сәфәре барышында Башҡортостан Башлығы Рөстәм Хәмитов Октябрьский ҡалаһының яңы һыу менән тәьмин итеү системаһын сафҡа индереүҙә ҡатнашты.

«Октябрьсккоммунводоканал» муниципаль унитар предприятиеһы директоры Айҙар Иманғолов һүҙҙәренсә, быға тиклем ҡала Татарстан биләмәһендә урынлашҡан Яҡшай, Өйәҙетамаҡ һәм Бәләкәй Баулы һыу алыу ҡоролмаларының ер аҫты сығанаҡтарындағы һыу менән тәьмин ителгән. Был схема эсәр һыуҙың сифаты буйынса норматив күрһәткестәргә тап килмәгән, иҫке объекттар халыҡты һыу менән өҙлөкһөҙ тәьмин итмәгән. Өйәҙетамаҡ һәм Бәләкәй Баулы һыу алыу ҡоролмаларының туҡтатылыуына бәйле, халыҡҡа һыу биреү дефициты 30 процентҡа тиклем етә.

Һөҙөмтәлә Стивензя йылғаһында һыуһаҡлағыс төҙөү тураһында ҡарар ҡабул ителә. Уның күләме – 19 миллион кубометр, һыу көҙгөһөнөң майҙаны – 272 гектар. Ул 2009 йылда файҙаланыуға тапшырыла.

Йәрмәкәй районының Яңы Шах ауылы янында республика Башлығы Стивензя йылғаһында һыуһаҡлағыстың насос станцияһын файҙаланыуға тапшырҙы. Һуңынан Рөстәм Хәмитов Спутник ҡасабаһында баҫым яһау резервуары майҙансығында булды, унда ул бөтә һыу ҡоролмаһының эшенә старт бирҙе, шулай уҡ лаборатория эшмәкәрлеге һәм һыуҙы зарарһыҙландырыу ҡулайламаһының эше менән танышты.

Рөстәм Хәмитов яҡын арала республикала яңы ҙур һыуһаҡлағыстар төҙөү күҙалланмай тип белдерҙе.

– Салауат, Стәрлетамаҡ, Өфө, Нефтекама кеүек ҙур ҡалалар һыу менән яҡшы тәьмин ителгән. Муниципалитеттарға килгәндә, бөгөн Борай районы хәүеф аҫтында. Унда һыу татырлы. Борайҙа эштәр шәптән түгел. Бынан тыш, Мишкә районында һыу үткәргес төҙөргә кәрәк, – тине Башҡортостан Башлығы. – Шул уҡ ваҡытта ауылдарҙы һыу менән тәьмин итеү өҫтөндә эшләүҙе дауам итеү зарур. Әле һаман ҡоҙоҡтар, көйәнтәләр бар. Кешеләр ҡайһы берҙә алыҫтан һыу ташый. Дөйөм алғанда, һыу етәрлек, әммә уны һыу үткәргестәр аша ауылдар буйлап таратырға кәрәк. Ләкин әлегә ҙур һаҡлағыстар төҙөү күҙалланмай.

Башҡортостан Башлығы Рөстәм Хәмитов Октябрьскийға эш сәфәре барышында ҡаланың етештереү һәм социаль объекттарында ла булды.

1 из 10

#инфраструктура #бр башлығы

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адресы

450077, Өфө, Киров урамы, 45 (347) 250-05-07

Реклама хеҙмәте

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.