91.12
-0.19
Башҡортостан һәм Өфө яңылыҡтары
98.31
-0.17
82.98
-0.54
12+ °C
Болотло
Бөтә яңылыҡтар
Йәмғиәт
16 Март 2016, 10:54
Республиканың көньяҡ райондары йәнә ҡар ҡамауында ҡалды
социаль селтәрҙәр
ӨФӨ, 2016 йыл, 16 март. /«Башинформ» мәғлүмәт агентлығы, Гөлфиә Акулова/. Был аҙнала Башҡортостандың көньяҡ райондары йәнә ҡар ҡамауында ҡалды. Хәйбулла һәм Баймаҡ райондарында көслө ҡар яуыуы күҙәтелә, елдең тиҙлеге секундына 17 метрға етә. Һауа торошоноң үҙгәреүенә бәйле Ғәҙәттән тыш хәлдәр министрлығының Башҡортостандағы баш идаралығы тулы әҙерлек режимында эшләй, оператив штаб булдырылған.
Хәйбулла районы хакимиәте сайтында хәбәр ителеүенсә, Гай, Сибай һәм Юлдыбай йүнәлешендәге автомобиль юлдары ябылған. Хәйбулла, Күгәрсен, Ейәнсура, Йылайыр һәм Белорет юл-ремонт төҙөлөш идаралыҡтары көсө менән юлдарҙы ҡарҙан таҙартыу эштәре бара.
Синоптиктар фаразлауынса, ошондай һауа торошо аҙна аҙағына тиклем дауам итәсәк. Башҡортостандың гидрометеорология һәм тирә-яҡ мөхит мониторингы идаралығы мәғлүмәттәренә ярашлы, был аҙнала республикала һалҡын буласаҡ. Һауа температураһы төндә -7,-12 , аяҙайтҡанда -15,-20 градусҡа тиклем төшәсәк.
Шаршамбы, 16 мартта, һауа температураһы көндөҙ -2,-7, төндә -9, -14 градус, аяҙайтҡанда -20 градусҡа тиклем. Ел төньяҡтан, төньяҡ-көнсығыштан, талғын, урыны менән көслөрәк.
Кесаҙна, 17 мартта, бер аҙ йылыта: көндөҙ +1,-4, төндә -4,-9 градус. Айырым райондарҙа ҡар яуасаҡ, еңелсә ел иҫәсәк.
«Интерфакс» агентлығына Рәсәйҙең Гидрометеорология үҙәге директоры Роман Вильфанд һөйләүенсә, Рәсәйҙә март — ҡыш айы. Уның һүҙҙәренсә, апрелдең тәүге декадаһы аҙағында ғына ысын яҙ башлана.
Читайте нас:
Электрон почта
Адресы
450077, Уфа, Кирова, 45
Реклама хеҙмәте
(347) 250-11-11
Редакция
(347) 250-07-28
Ҡабул итеү бүлмәһе
(347) 250-05-07
Хеҙмәттәшлек
(347) 250-06-14
Кадрҙар бүлеге
© 1992-2024 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.
Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.
18+ запрещено для детей.
При перепечатке или цитировании ссылка на ИА «Башинформ» обязательна. Для интернет-изданий и социальных сетей прямая активная гиперссылка обязательна. Использование логотипа ИА «Башинформ» в целях, не связанных с ссылкой на агентство при перепечатке или цитировании, допускается только с письменного разрешения АО ИА «Башинформ».