Өфөлә Башҡорт балы йорто асылды

Олег Яровиков

IMPORT Сервисный

ӨФӨ, 2016 йыл, 16 март. /«Башинформ» мәғлүмәт агентлығы, Александр Смирнов/. 15 мартта Өфөлә Башҡортостан Башлығы Рөстәм Хәмитов «Аҡбуҙат» ипподромында асылған Башҡорт балы йортонда булды. Бында Башҡортостан умартасылыҡ һәм апитерапия буйынса ғилми-тикшеренеү үҙәге, шулай уҡ республиканың фермер хужалыҡтарында етештерелгән балдың 500-гә яҡын төрө һәм умартасылыҡ продукцияһы тәҡдим ителгән.

Сауҙа-күргәҙмә залын биҙәгәндә Башҡортостандың Төньяҡ урман-дала, Төньяҡ-көнсығыш урман-дала, Көньяҡ урман-дала, Урал алды дала, Урал аръяғы дала һәм тау-урманлы ауыл хужалығы зоналарының карталары файҙаланылған, ошо урындарҙағы бал өлгөләре ҡуйылған. Башҡортостан умартасылыҡ һәм апитерапия буйынса ғилми-тикшеренеү үҙәгенең генераль директоры Әмир Ишемғолов хәбәр итеүенсә, бында республиканың 54 районынан бал һатыу ойоштороласаҡ.

Республика Башлығы «Башҡорт балы» брендын ялғандан һаҡлау, умартасылыҡ продукцияһын һатыуҙы ойоштороу менән ҡыҙыҡһынды.

Әмир Ишемғолов төбәк етәксеһен 2021 йылда Өфөлә «Апимондия» халыҡ-ара умартасылыҡ ассоциациялары федерацияһы конгресын уҙғарған ваҡытта саралар программаһына индереү ҡаралған объекттар менән таныштырҙы. Улар иҫәбенә Башҡорт балы йорто, Республика халыҡ медицинаһы һәм апитерапия үҙәге инә. 2017 йылда «Аҡбуҙат» ипподромында Республика умартасылыҡ, йылҡысылыҡ һәм ҡымыҙ эшләү музейын ойоштороу планлаштырыла. 2018 йылда Ботаника баҡсаһының урман зонаһында асыҡ һауала умарталыҡ музейы асыласаҡ. 2021 йылда иһә умартасылыҡ продукцияһын эшкәртеү буйынса республика комбинатын һәм башҡорт бал ҡорттарын үрсетеү буйынса тоҡомсолоҡ умарталығын файҙаланыуға тапшырыу күҙаллана.

1 из 5

#умартасылыҡ #бр башлығы

Присоединяйтесь — больше и быстрее в наших соцсетях:

Рубрики

Телефон

(347) 250-05-07

Адресы

450077, Өфө, Киров урамы, 45

Реклама хеҙмәте

(347) 250-11-11 adv@bashinform.ru

Редакция

(347) 250-07-28 inf@bashinform.ru

Кадрҙар бүлеге

ok@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.