Рөстәм Хәмитов «Өфө-Ладья. Арт. Һөнәр. Сувенирҙар» күргәҙмәһен ҡараны

Олег Яровиков

IMPORT Сервисный

ӨФӨ, 2016 йыл, 4 март. /«Башинформ» мәғлүмәт агентлығы, Александр Смирнов/. 3 мартта Өфөлә Башҡортостан Башлығы Рөстәм Хәмитов «ВДНХ-Экспо» комплексында ойошторолған «Өфө-Ладья. Арт. Һөнәр. Сувенирҙар» III күргәҙмә-фестивален ҡараны.

Фестиваль халыҡ кәсептәрен, биҙәү-ҡулланма сәнғәтен, сувенир һәм бүләктәр эшләүҙе һаҡлау һәм үҫтереү маҡсатында уҙғарыла, шулай уҡ төрлө халыҡтарҙың мәҙәниәтен, традицияларын, йолаларын белергә ярҙам итә. Быйыл күргәҙмәлә Башҡортостандың 41 районынан һәм Рәсәйҙең 10 төбәгенән 200-ҙән ашыу һөнәрсе ҡатнаша. Ул художестволы сүкеү, сәйлән үреү, селтәр бәйләү, кейеҙ баҫыу, халыҡ костюмы, мозаика, витраждар, быяланан, ағастан, металдан, таштан, тиренән яһалған художестволы әйберҙәрҙе үҙ эсенә ала. Фестиваль сиктәрендә селтәр үреү, ҡорама тегеү, халыҡ ҡурсаҡтарын яһау, көршәксе эше, ағас һырлау, маркетри, декупаж, туҡыманы биҙәү буйынса оҫталыҡ дәрестәре үткәрелә.

Республика Башлығы Рәсәйҙең сәнәғәт һәм сауҙа министры урынбаҫары Гөлназ Ҡадирова менән Башҡортостан ҡала һәм райондары экспозицияларын, шулай уҡ һаулыҡ мөмкинлектәре сикләнгән һөнәрселәр эшләгән изделиелар күргәҙмәһен ҡарап сыҡты.

– Халыҡ кәсептәре – тәү сиратта күңел торошо ул. Был һәләт барыһына ла бирелмәй. Республикабыҙҙа меңгә яҡын кеше генә халыҡ кәсептәре менән әүҙем шөғөлләнә, – тип билдәләне Рөстәм Хәмитов. – Ысынында иһә оҫталар әҙерләү өсөн мәктәптәр кәрәк. Ошо йәһәттән эштәр маҡтанырлыҡ түгел. Кластар ойоштороу, түңәрәк өҫтәлдәр уҙғарыу мөһим. Быларҙың бөтәһен системаға һалыу зарур.

Һуңынан Рөстәм Хәмитов «ВДНХ-Экспо» комплексында ойошторолған «Мәғариф. Фән. Карьера» XVI махсуслаштырылған күргәҙмәһе менән танышты. Республика етәксеһе ГТО нормаларын тапшырыу майҙансығын ҡараны һәм «Workout Башкортостан» спорт хәрәкәте ағзалары менән аралашты.

1 из 10

#халыҡ кәсептәре #бр башлығы

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.