Республикала наркотиктар менән сауҙа иткән 700 сайт ябылған

ӨФӨ, 2016 йыл, 2 март. /«Башинформ» мәғлүмәт агентлығы, Арина Рәхимҡолова/. Башҡортостанда наркотиктар менән сауҙа иткән 700 сайт ябылған. Граждандарҙы ҡабул итеү барышында Наркотиктар әйләнешенә контроль буйынса федераль хеҙмәттең Башҡортостан идаралығы начальнигы Александр Митюков ошо хаҡта хәбәр итте. Рәсәй Президентының ҡабул итеү бүлмәһенә республикала йәшәүсе алты кеше мөрәжәғәт иткән.

Александр Митюков һүҙҙәренсә, ведомство хеҙмәткәрҙәре бөтә донъя селтәрендә ҙур эш алып бара, үҙ ваҡытында ошондай сайттарҙың эшмәкәрлеген туҡтата.

«2015 йылда наркотиктар һатыу менән шөғөлләнгән 670 самаһы интернет-ресурс ябылған. Әммә провайдерҙар йыш ҡына сит илдә теркәлгән, шуға күрә эш ҡатмарлаша. Ләкин беҙ ҙә енәйәтселәргә ҡаршы көрәш алымдарын камиллаштырабыҙ», — тип билдәләне ведомство етәксеһе.

Республикала йәшәүсе һәр кем ошо эштә ярҙам күрһәтә ала. Наркотиктар әйләнешенә контроль буйынса федераль хеҙмәттең Башҡортостан идаралығы ҡарамағында ирекмәндәр мәктәбе эшләй. Өфө колледждарының береһендә белем алыусы студент кибер-енәйәтселәргә ҡаршы көрәш башлап, башҡаларға ҙур өлгө күрһәткән. Ул спайстар таратҡан алты сайтты тапҡан һәм Башҡортостан буйынса Роскомнадзор идаралығына ялыу менән мөрәжәғәт иткән. Һөҙөмтәлә сайттар ябылған, тип хәбәр иттеләр Башҡортостан буйынса Баш федераль инспекторҙың матбуғат хеҙмәтендә.

#наркотиктарға ҡаршы көрәш #граждандарҙы ҡабул итеү

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адресы

450077, Өфө, Киров урамы, 45 (347) 250-05-07

Реклама хеҙмәте

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.