Ял көндәрендә төбәктә 22 градусҡаса һалҡынайта

ӨФӨ, 2016 йыл, 19 февраль. /«Башинформ» мәғлүмәт агентлығы, Ксения Калинина/. Ял көндәрендә Башҡортостанда 22 градусҡаса һалҡынайта. Республиканың гидрометеорология һәм тирә-яҡ мөхит мониторингы идаралығы мәғлүмәттәре буйынса, шәмбе, 20 февралдә, төбәктә һауа температураһы төндә -8, -13, урыны менән -20 градус, көндөҙ +1, -4, айырым райондарҙа -9 буласаҡ. Синоптиктар фаразлауынса, талғын ел иҫәсәк, яуым-төшөм көтөлмәй.

Йәкшәмбе, 21 февралдә, төндә -9, -14, аяҙайтҡанда 22 градусҡа тиклем, көндөҙ -2, -7. Урыны менән бер аҙ ҡар яуыуы һәм еңелсә буран сығыуы ихтимал.