Республикала Журналистар хаҡында энциклопедия өҫтөндә эш башлана

IMPORT Сервисный

ӨФӨ, 2016 йыл, 15 февраль. /«Башинформ» мәғлүмәт агентлығы, Мәүлиҙә Яҡупова/. Республикала «Башҡортостан журналистикаһы һәм матбуғаты» энциклопедияһы концепцияһы өҫтөндә эш башлана. Ул 2017 йылдағы ваҡиғаларға — башҡорт матбуғатының 100 йыллығына һәм Башҡортостан журналистарының ижади берләшмәһенең 60 йыллығына арналасаҡ.

Республика матбуғатының тарихы төрлө ваҡиғаларға һәм сағыу исемдәргә бай. Баҫма тематик төбәк энциклопедияһына ҡараясаҡ. Унда башҡорт журналистикаһы үҫешенең тарихы сағылдырыласаҡ. Төрлө осорҙа сыҡҡан гәзит-журналдар, шул иҫәптән революция һәм совет осорондағы губерна баҫмалары, хәҙерге матбуғат, юғары уҡыу йорто, ғилми учреждение һәм предприятие, телерадиокомпания һәм студия баҫмалары инәсәк.

Шулай уҡ тармаҡ өсөн кадрҙар әҙерләүсе уҡыу йорттары, республика полиграфия предприятиелары, элекке типографиялар, китап нәшриәттәре мөһим урын биләйәсәк.

Журналистарҙың билдәле критерийҙар буйынса һайлап алынған биографик мәҡәләләрен урынлаштырыу ҙа күҙ уңында тотола. Улар тармаҡтың үҫешенә ҙур өлөш индергән киң мәғлүмәт сараларын ойоштороусылар, ведомство етәкселәре, маҡтаулы исемгә эйә журналистар һәм мөхәррирҙәр, дәүләт, республика һәм тармаҡ премиялары лауреаттары, яҙыусы-журналистар, матбуғат тарихын тикшереүсе ғалимдар буласаҡ.

Билдәле тележурналист Шәүрә Ғилманова авторҙарҙың үҙҙәре хаҡында һөйләргә ваҡыт етте, тип иҫәпләй. Республика журналистар союзында ғына 1,5 мең самаһы ағза. Уның фекеренсә, баҫманы әҙерләүҙә объективлыҡ һәм принципиаллек, йөкмәткене редакция эсендә тикшереү — иң мөһиме, сөнки китап киләсәк быуын өсөн сығарыла.

Белешмә. Рәсәйҙең бер нисә төбәгендә журналистар тураһында энциклопедиялар донъя күргән дә инде: 2013 йылда — Чебоксарҙа, 2014 йылда Саха (Яҡут) Республикаһының Журналистар союзы 55 йыллығына «Яҡутстан журналистары» баҫмаһын сығарҙы, 2015 йылда Удмуртияла «Удмурт дюнне» белешмәһе баҫылды. Шулай уҡ «Архангельск журналистары ХХ» энциклопедияһы (2014), «Сыуаш журналистикаһы һәм матбуғаты энциклопедияһы» бар. 2014 йылда «Рәсәй журналистары: 20-21 быуаттар» белешмә-энциклопедик баҫмаһы донъя күрҙе.

#киң мәғлүмәт саралары #нәшриәт эше #энциклопедия

Присоединяйтесь — больше и быстрее в наших соцсетях:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.