Рөстәм Хәмитов Өфө приборҙар эшләү берекмәһе һәм Өфө моторҙар эшләү берекмәһендә булды

Олег Яровиков, Башҡортостан Башлығының матбуғат хеҙмәте

IMPORT Сервисный

ӨФӨ, 2016 йыл, 28 ғинуар. /«Башинформ» мәғлүмәт агентлығы, Александр Смирнов/. 27 ғинуарҙа Башҡортостан Башлығы Рөстәм Хәмитов «Ростех» дәүләт корпорацияһының авиация комплексы предприятиелары етәкселәре менән бергә «Өфө приборҙар эшләү берекмәһе» акционерҙар йәмғиәте һәм «Өфө моторҙар эшләү берекмәһе» асыҡ акционерҙар йәмғиәтенең эшмәкәрлеге менән танышты.

«Өфө приборҙар эшләү берекмәһе» акционерҙар йәмғиәтенең башҡарма директоры Марат Бәҙғетдинов стратегик исемлеккә индерелгән предприятиеның авиация һәм йыһан тәғәйенләнешендәге, нефть һәм газ йүнәлешендәге продукция әҙерләүгә махсуслашыуы хаҡында һөйләне.

Рөстәм Хәмитов «Ростех» дәүләт корпорацияһының авиация комплексы предприятиелары етәкселәре менән бергә Өфө приборҙар эшләү берекмәһендә «2011-2020 йылдарҙа Рәсәйҙең оборона-сәнәғәт комплексын үҫтереү» федераль маҡсатлы программаһын тормошҡа ашырыу барышы менән танышты, авиация һәм йыһан техникаһын йыйыу цехтарын ҡараны. Бында самолеттарҙың һәм вертолеттарҙың төрлө төрҙәре өсөн авиация ҡорамалдары, шулай уҡ «Союз», «Прогресс» йыһан караптары өсөн приборҙар эшләйҙәр.

Һуңынан республика Башлығы Өфө приборҙар эшләү берекмәһенең хеҙмәт коллективы һәм профсоюз вәкилдәре менән осрашты. Осрашыу барышында берекмәне техник яҡтан йыһазландырыу, етештерелгән продукцияның ассортиментын киңәйтеү мәсьәләләре тикшерелде.

«Был предприятие беҙҙең өсөн бик мөһим, — тине Рөстәм Хәмитов. — Һис шикһеҙ, һеҙ предприятиеның элекке данын ҡайтарыу хаҡында хыялланаһығыҙ. Беҙ яңыртыу юлына аяҡ баҫтыҡ».

Артабан Рөстәм Хәмитов «Ростех» дәүләт корпорацияһының авиация комплексы предприятиелары етәкселәре менән бергә Өфө моторҙар эшләү берекмәһенең инженер-етештереү комплексында, йыйыу цехында булды.

1 из 7

#сәнәғәт #бр башлығы

Присоединяйтесь — больше и быстрее в наших соцсетях:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адресы

450077, Өфө, Киров урамы, 45 (347) 250-05-07

Реклама хеҙмәте

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.