Нефтекамала «Рәсәй ғаиләһе өсөн торлаҡ» программаһы буйынса тәүге йорт асылды

Руслан Никонов

IMPORT Сервисный

ӨФӨ, 2015 йыл, 22 декабрь. /«Башинформ» мәғлүмәт агентлығы, Олеся Серёгина/. 22 декабрҙә Нефтекамала «Рәсәй ғаиләһе өсөн торлаҡ» федераль программаһы буйынса төҙөлгән тәүге йорт асылды. 68 ғаилә фатир асҡыстары алды.

Бөгөн Нефтекамала «Рәсәй ғаиләһе өсөн торлаҡ» программаһы буйынса тәүге алты мең квадрат метр торлаҡ — 213 фатирҙың 142-һе файҙаланыуға тапшырылды. Ҡалған дүрт мең квадрат метры 2016 йылдың аҙағына тиклем сафҡа индереләсәк. Эштәрҙең заказсыһы — Башҡортостандың Торлаҡ төҙөлөшөн үҫтереү фонды. Бынан тыш, Башҡортостандың Торлаҡ төҙөлөшө фонды ошо программа буйынса тағы ун мең квадрат метр торлаҡ төҙөй. Объектты файҙаланыуға тапшырыу ваҡыты — 2017 йыл. Нефтекамала «Рәсәй ғаиләһе өсөн торлаҡ» программаһы буйынса бөтәһе 20 мең квадрат метр торлаҡ тормошҡа ашырыласаҡ.

Йортто асыу тантанаһында Башҡортостандың Төҙөлөш һәм архитектура буйынса дәүләт комитеты рәйесе урынбаҫары Николай Гавва, Нефтекама хакимиәте башлығы Рәшит Дәүләтов һәм «Торлаҡ төҙөлөшөн үҫтереү фонды» коммерцияға ҡарамаған ойошмаһы директоры Дамир Миңлебаев ҡатнашты.

Башҡортостанда «Рәсәй ғаиләһе өсөн торлаҡ» программаһын ғәмәлгә ашырыу 2014 йылдың декабрендә башланды. Программа сиктәрендә ҡатнашыусылар квадрат метры 35 мең һумдан артмаған эконом класлы торлаҡ һатып алыу мөмкинлегенә эйә. Төбәк «Рәсәй ғаиләһе өсөн торлаҡ» программаһы буйынса торлаҡты сафҡа индереү күрһәткестәре буйынса 69 субъект араһында тәүге позицияны биләй.

Программала ҡатнашыусылар реестрына 3153 кеше индерелгән, шуларҙың 1159-ы өлөшләтә ҡатнашыу килешеүе төҙөгән.

Башҡортостандың Төҙөлөш һәм архитектура буйынса дәүләт комитетында хәбәр итеүҙәренсә, бөгөн проекттарҙы программаға индереү буйынса республиканың башҡа төҙөүселәре менән, шулай уҡ эконом класлы торлаҡ һатып алыуға хоҡуҡлы граждандар категорияһы исемлеген арттырыу буйынса эш дауам итә. Был исемлеккә 35 йәшкә тиклемге ғаиләләр, шулай уҡ торлаҡ төҙөлөшө аҡсалары системаһында ҡатнашыусылар инә.

1 из 8

#төҙөлөш #рәсәй ғаиләһе өсөн торлаҡ

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.