Михаил Бабич Башҡортостан вәкилдәренә дәүләт наградаларын тапшырҙы

Башҡортостан буйынса Баш федераль инспекторҙың матбуғат хеҙмәте

IMPORT Сервисный

ӨФӨ, 2015 йыл, 22 декабрь. /«Башинформ» мәғлүмәт агентлығы, Арина Рәхимҡолова/. Рәсәй Президентының Волга буйы федераль округындағы Тулы хоҡуҡлы вәкиле Михаил Бабич Башҡортостан вәкилдәренә дәүләт наградаларын тапшырҙы. Волга буйы федераль округының барлыҡ төбәктәренән 22 кеше ордендар, миҙалдар һәм маҡтаулы исемдәр менән билдәләнде. Бүләкләнеүселәр араһында төрлө тармаҡ вәкилдәре: энергетиктар, нефтселәр, табиптар, машина эшләүселәр, химиктар, иҡтисадсылар, ауыл хужалығы, транспорт, аҙыҡ-түлек индустрияһы хеҙмәткәрҙәре, дәүләт власы органдары етәкселәре бар, тип хәбәр иттеләр Башҡортостан буйынса Баш федераль инспекторҙың матбуғат хеҙмәтендә.

Быйыл Волга буйы федераль округы яҡшы һөҙөмтәләргә өлгәште, тип билдәләне Михаил Бабич. Атап әйткәндә, июль айында Өфөлә Шанхай хеҙмәттәшлек ойошмаһы һәм БРИКС илдәре берләшмәһе саммиттары юғары кимәлдә уҙҙы. Башҡортостан Башлығы Хакимиәте етәксеһе Сергей Молчанов, Өфө хакимиәте башлығы Ирек Ялалов саммиттарҙы юғары кимәлдә үткәргәндәре өсөн Дуҫлыҡ ордендары менән бүләкләнде. Шулай уҡ «Востокнефтезаводмонтаж акционерҙар компанияһы» асыҡ акционерҙар йәмғиәтенең генераль директоры Хәлит Бикмөхәмәтов хеҙмәттә өлгәшкән уңыштары, әүҙем йәмәғәт эшмәкәрлеге һәм оҙаҡ йылдар намыҫлы эшләгәне өсөн Дуҫлыҡ орденына лайыҡ булды. Кеше ғүмерен ҡотҡарыуҙа күрһәткән ҡыйыулығы өсөн бүләкләнеүселәрҙе Михаил Бабич айырыуса билдәләп үтте. Мәҫәлән, тулы хоҡуҡлы вәкил Башҡортостандан Арсен Байғусҡаровҡа «Һәләкәткә осраусыларҙы ҡотҡарған өсөн» миҙалын тапшырҙы. 2014 йылдың йәйендә егет йылғала батып барыусы алтынсы класс ҡыҙҙарын ҡотҡарған.

Тантана һуңында Михаил Бабич барыһын да етеп килгән Яңы йыл менән ҡотланы, бүләкләнеүселәргә һәм уларҙың ғаиләләренә тағы ла бер тапҡыр рәхмәт белдерҙе.

«Ошо наградаларҙа һеҙҙең ғаилә ағзаларының да өлөшө ҙур. Улар һәр ваҡыт янығыҙҙа һәм һеҙгә ярҙам итәләр, шуға күрә уларға ҡотлауҙарымды еткерегеҙ», — тип билдәләне Президенттың Тулы хоҡуҡлы вәкиле.

1 из 1

#наградалар #рәсәй президентының волга буйы федераль округындағы тулы хоҡуҡлы вәкиле

Присоединяйтесь — больше и быстрее в наших соцсетях:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.