Өфө нефть университеты терәк университет исеменә дәғүә итә

Олег Яровиков

IMPORT Сервисный

ӨФӨ, 2015 йыл, 22 декабрь. /«Башинформ» мәғлүмәт агентлығы, Эльмира Сабирова/. Өфө дәүләт нефть техник университеты терәк университет исеменә дәғүә итә. Ул илдең 14 юғары уҡыу йорто менән бергә конкурс буйынса һайлап алыуҙа ҡатнаша. Федераль белем биреү ведомствоһы сайтында хәбәр ителеүенсә, улар араһында, Өфө вузынан тыш, Волгоград һәм Дағстандан икешәр, Воронеж, Вятка, Дон, Кострома, Омск, Ырымбур, Орел, Һамар, Себер һәм Төмән университеттары бар.

28 декабргә тиклем ҡабул ителгән ғаризаларҙың конкурс документацияһы талаптарына ярашлылығы тикшерелә. Уның һөҙөмтәләре асыҡ буласаҡ. Конкурс еңеүселәре 2016 йылдың 1 февраленә тиклем билдәләнә.

2015 йылдың октябрендә Рәсәйҙең мәғариф һәм фән министры Дмитрий Ливанов белем биреү ойошмаларында терәк университеттар булдырыу тураһындағы бойороҡҡа ҡул ҡуйҙы.

Ошондай университеттар асыу тәү сиратта интеллектуаль ҡеүәт туплауға һәм Рәсәй төбәктәрен иҡтисади, социаль яҡтан үҫтереүгә йүнәлтелгән ғилми-белем биреү комплекстарын барлыҡҡа килтереүгә булышлыҡ итәсәк.

Конкурс буйынса һайлап алыуға үтеү өсөн һәр ҡатнашыусыға биш йылға иҫәпләнгән Терәк университетты үҫтереү программаһы проектын әҙерләргә кәрәк ине. Проект түбәндәге йүнәлештәр буйынса саралар комплексын күҙ уңында тота: белем биреү, ғилми-тикшеренеү һәм инновация эшмәкәрлеген яңыртыу, кадрҙар потенциалын үҫтереү, университет менән идара итеү системаһын яңыртыу, матди-техник базаны һәм социаль-мәҙәни инфраструктураны модернизациялау.

#мәғариф #вуздар #өфө нефть университеты #конкурстар

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.