Төбәктә Европа реставраторын Шүлгәнташ мәмерйәһендә хәҙерге рәсемдәрҙең күп булыуы ғәжәпләндергән

Олег Яровиков, Башҡортостандың Мәҙәниәт министрлығы ҡарамағындағы ғилми-етештереү үҙәге

IMPORT Сервисный

ӨФӨ, 2015 йыл, 4 декабрь. /«Башинформ» мәғлүмәт агентлығы, Гөлфиә Акулова/. Шүлгәнташ мәмерйәһенә халыҡ-ара экспедиция барышында ғалимдар туристар ҡалдырған рәсемдәрҙе һәм яҙыуҙарҙы таҙартты. Ун көн буйына Европа һәм Рәсәй ғалимдары, шулай уҡ Мәҙәниәт министрлығының Күсемһеҙ мәҙәни мираҫ объекттарын һаҡлау һәм файҙаланыу буйынса ғилми-етештереү үҙәге, «Шүлгәнташ» музей-ҡурсаулығы хеҙмәткәрҙәре мәҙәни мираҫ объекты стенаһындағы яҙыуҙарҙы юйҙы. 14 квадрат метр майҙан таҙартылды.

«Эш барышында юйылған граффити аҫтында бер нисә ҡыҙыл тап асыҡланды. Һис шикһеҙ, был — һынлы сәнғәт, — тине реставратор Антон Эудаль Гийаме. — Уларҙы билдәләү мөмкин түгел, сөнки улар яртылаш кальцит ҡатламы менән ҡапланған. Быға археологтар ғына аныҡ яуап бирә ала». Яҙыуҙарҙың ниндәй дәүергә ҡарағанлығы 2016 йылдың июнендә Башҡортостанда үтәсәк ҡаяға төшөрөлгән рәсемдәрҙе реставрациялау мәсьәләләренә арналған Халыҡ-ара симпозиум сиктәрендә иғлан ителәсәк.

Белгес билдәләүенсә, палеолит дәүере һүрәттәрен һаҡлауҙың иң яҡшы ысулы — мәмерйәләге климатты контролдә тотоу һәм объектты һаҡлап ҡалыу буйынса башҡа саралар. «Донъялағы ошоға оҡшаш, мәҫәлән, Франциялағы Шове, Ласко, Руфиньяк, Испаниялағы Альтамира мәмерйәләре туристар өсөн ябыҡ. Мәмерйәләрҙең күсермәләре бар, улар янында музейҙар булдырыла. Шүлгәнташ мәмерйәһе микроклиматына туристар ағымының йоғонтоһон асыҡлау мөһим, кәрәк икән, уны ябырға, йә булмаһа килеүселәр һанын кәметергә», — тине Гийаме.

Бөрйән районы биләмәһендә музей комплексын төҙөү үҙенсәлекле мәҙәни объектты һаҡлап ҡалыуға булышлыҡ итә алыр ине. Ғилми-етештереү үҙәге хеҙмәткәрҙәре донъялағы боронғо мәмерйәләрҙең тәжрибәһен өйрәнеп, музейҙың архитектур проектын тәҡдим итте.

Башҡортостандың Мәҙәниәт министрлығы музейҙың иң яҡшы архитектур проектына конкурс ойоштора. Уға киләһе йылдың февралендә йомғаҡ яһала. Комплексты ике-өс йылда төҙөү ҡаралған.

«Йәй көнө Испания, Франция музейҙары етәкселәре ҡатнашлығында халыҡ-ара симпозиум үткәрергә, ҡаяға төшөрөлгән һүрәттәрҙе реставрациялау проблемаларын күтәрергә, төбәктә туризды үҫтереүҙе тикшерергә ниәтләйбеҙ», — тип билдәләне ғилми үҙәктең директоры Данир Ғәйнуллин.

1 из 6

#тәбиғәт мираҫы #шүлгәнташ

Присоединяйтесь — больше и быстрее в наших соцсетях:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.