Республикала намыҫһыҙ төҙөүселәргә ҡарата сараларҙы ҡатыландырыу ҡарала

IMPORT Сервисный

ӨФӨ, 2015 йыл, 27 ноябрь. /«Башинформ» мәғлүмәт агентлығы, Александр Смирнов/. Республикала намыҫһыҙ төҙөүселәргә ҡарата сараларҙы ҡатыландырыу планлаштырыла. Был хаҡта Башҡортостан Дәүләт Йыйылышы – Ҡоролтайға йыллыҡ Мөрәжәғәтнамәһен уҡығанда Башҡортостан Башлығы Рөстәм Хәмитов белдерҙе.

– Төҙөлөш комплексы – иҡтисади үҫештең мөһим билдәһе. Торлаҡ алыу мөмкинлеген арттырыу уның төп бурысы булып тора, – тине Рөстәм Хәмитов. – Хәҙер республикалағы ошо баҙар бик ныҡ монополизацияланған, төп уйынсылар юғары хаҡтарҙы хуплай. Шуның менән файҙаланып намыҫһыҙ төҙөүселәр тиҙ ышаныусан кешеләрҙе арзан квадрат метрҙар менән йәлеп итә. Республика Хөкүмәтенә хоҡуҡ һаҡлау органдары менән бергә ошондай енәйәттәргә юл ҡуймау буйынса сараларҙы ҡатыландырырға ҡушам.

Республика Башлығы төбәктә «Рәсәй ғаиләһе өсөн торлаҡ» программаһын тормошҡа ашырыуҙы киңәйтеү һәм экономлы класлы торлаҡ төҙөү күләмен арттырыу кәрәклеген билдәләне.

– Киләсәктә Ҡытай төҙөүселәре менән хеҙмәттәшлек итергә, атап әйткәндә, проектлау процестарын оптималләштерергә мөмкинлек биргән өс үлсәүле моделләү технологияларын үҙләштерергә ниәтләйбеҙ. Тейешле белгестәр әҙерләргә кәрәк, – тине Рөстәм Хәмитов. – Дөйөм алғанда, төҙөлөш комплексын яңыртыуҙы әүҙемләштереү мөһим. Төҙөлөш баҙарында конкуренцияны үҫтереү зарур.

Төбәк етәксеһе юл төҙөлөшө темаһына ла ҡағылды.

– Ошо баҙарҙа яңы технологиялар ҡулланған, эште сифатлы башҡарған ойошмалар бар. Шулай уҡ илке-һалҡы ҡарағандар ҙа юҡ түгел, – тип билдәләне Рөстәм Хәмитов. – Шундай хәлгә юл ҡуймау өсөн республикала юл төҙөлөшө регламенты әҙерләнә. Унда файҙаланылыусы материалдарҙың сифатына айырым талаптар билдәләнәсәк. Башҡарылған юл-төҙөлөш эштәрен страховкалау институтын индереү, шулай уҡ йәмәғәт контроленең ролен арттырыу мәсьәләләрен ҡарарға кәрәк. Башҡортостанда юлдар заманса, уңайлы һәм хәүефһеҙ булырға тейеш.

#төҙөлөш #мөрәжәғәтнамә #бр башлығы

Присоединяйтесь — больше и быстрее в наших соцсетях:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.