Үзбәкстандың башҡорт мәҙәни үҙәге һөҙөмтәле эшләй — Бөтә донъя башҡорттары ҡоролтайы делегаты

IMPORT Сервисный

ӨФӨ, 2015 йыл, 21 ноябрь. /«Башинформ» мәғлүмәт агентлығы, Ләйлә Аралбаева/. Өфөгә Бөтә донъя башҡорттары ҡоролтайына Рәсәйҙең төрлө төбәктәренән һәм сит илдәрҙән делегаттар йыйылды. Баш ҡалала уҙған күләмле форумда алты Үзбәкстан вәкиле лә бар. Ҡунаҡтар башҡорт милли кейемендә килгән. Делегация етәксеһе, Үзбәкстандың башҡорт мәҙәни үҙәге Советы рәйесе Илшат Хәсәнов тәьҫораттары менән бүлеште.

«Был бик мөһим сара. Ҡоролтайҙың донъя кимәлендә үткәрелеүенә шатбыҙ: илдәр, Рәсәй төбәктәре үҙҙәренең делегаттарын ебәргән, барыһы ла таныша, фекер алыша — был берләштереүсе ролен уйнай», — тип билдәләне делегат.

Ташкенттағы башҡорт мәҙәни үҙәге әүҙем һәм һөҙөмтәле эшләй, тип һөйләне Совет рәйесе.

«Ташкенттың иң матур районында Әхмәтзәки Вәлиди урамын астыҡ. Быйыл уның тыуыуына 125 йыл тулыу уңайынан ошо урамда барельеф ҡуйырға ниәтләйбеҙ. Үзбәкстанда бик күп саралар, шул иҫәптән йыл һайын 12 декабрҙә Башҡортостан көнөн ойошторабыҙ. Байрам иң ҙур театрҙа уҙғарыла, беҙгә Башҡортостандан ҡунаҡтар килә», — тип һөйләне Илшат Хәсәнов.

Ҡоролтайҙың пленар ултырышы башланыр алдынан билдәләүҙәренсә, форумға 431 делегат килгән, Конгресс-холға 419 кеше, шул иҫәптән рәсми кешеләр, предприятие етәкселәре, ҡунаҡтар йыйылған. Ҡоролтай делегаттары өсөн бай эшлекле һәм мәҙәни программа әҙерләнгән.

#бөтә донъя башҡорттары ҡоролтайы

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.