Башҡортостан — Волга буйы федераль округында торлаҡты сафҡа индереү буйынса лидер

ӨФӨ, 2015 йыл, 13 ноябрь. /«Башинформ» мәғлүмәт агентлығы, Ксения Калинина/. Туғыҙ ай йомғаҡтары буйынса Башҡортостан Волга буйы федераль округында йән башына иҫәпләнгән торлаҡты сафҡа индереү буйынса беренсе урында. Быйыл ғинуар-октябрь айҙарында республикала финанслауҙың бөтә сығанаҡтары иҫәбенә сафҡа индерелгән торлаҡ күләме 2166,3 мең квадрат метр тәшкил иткән (былтырғы ошо уҡ осорға ҡарата 4,6 процентҡа күберәк). Башҡортостанстат мәғлүмәттәре буйынса, 1000 кешегә 532 квадрат метр торлаҡ төҙөлгән.

Төбәк халҡы үҙ иҫәбенә һәм кредит ярҙамында 1421,7 мең квадрат метр торлаҡ төҙөгән (2014 йылға ҡарағанда 6,3 процентҡа кәмерәк). Уларҙың торлаҡ төҙөлөшө структураһындағы өлөшө 65,6 процент тәшкил итте. 2015 йылдың туғыҙ айында республика предприятиелары һәм ойошмалары файҙаланыуға тапшырған торлаҡ күләме былтырғыға ҡарағанда 34,5 процентҡа артҡан һәм 744,6 мең квадрат метр тәшкил иткән. Шуларҙың 73,1 мең квадрат метры (9,8 проценты) эконом класлы стандарттарға тап килә.